Lukas 4:8 - Uhohug na Namaratu gafu te Hesus Kristu

⁸ Ammi ya tabbag ni Hesus tentu a “Iko hud ya pakidafun ku, te ya uhohug na suraten a ‘Namaratu la ya dayawan muy, a intu la tatakday ya pakidafun muy,’ kunna.”

Lukas 4:8 Iomraidhean Croise

Matyu 16:23

A nagbalittag hapa i Hesus nga nangatubang te Pedru, a “Umadayu kan teyak, te itta ya Satanas teko, te sanatan nak nga magliwat, te bakkan ta uray na Namaratu ya ibar mu teyak awa uray hud la na tolay,” kunna tentu.

Matyu 4:10

“Atsii, umadayu kan teyak, Satanas, te ya nesurat ta lebru na Namaratu a ‘Namaratu la ya dayawan muy, a intu la tatakday ya pakidafun muy,’ kunna.”

Lukas 4:4

Ammi ya tabbag hapa ni Hesus tentu a “Awek kurugan ya ibar men, te ya uhohug na surat na Namaratu a ‘Bakkan la ta kanan muy ya pagafun na katolayan muy,’ kunna.”

Santiago 4:7

Kappyanan na mantu ta timuluk kam ta Namaratu, a atubangan muy ya Satanas, petta pagbilagān na kam.

1 Pedru 5:9

Mappya mantu ta pake itug muy ya pangurug muy te Hesus, petta masikan kam nga mang-atubang te Satanas. A awemuy pahig ta ikamuy la ya pagzigātan na, te maski ya kagitta muy kiden mangurug ta ngamin paglelehutin a mazigatan kid hapa ta kuman na pagzigātān muy.

Nagmatakar 19:10

A nagtumagak na ta atubang na anghelen, te dayawan ku mina, ammi ginamman nak, “Bakkan mina ta iyak ya dayawam, te Namaratu la mina, te daddoban nak la na Namaratu ta kuman na iko ikid na kagittam kiden aglavun nga mangipasikkal te Hesus, a yen ta paglavunan nak na Kahalwa na Namaratu, petta iyak ya mangipasikkal te Hesus,” kunna.

Nagmatakar 22:9

Ammi ya uhohug na teyak a “Bakkan mina ta iyak ya dayawam, te Namaratu la mina, te daddoban nak la na Namaratu ta kuman na iko ikid na kagittam kiden aglavun ikid na ngamin kiden mangitug ta uhohug na lebru in yan,” kunna.