Lukas 4:35 - Uhohug na Namaratu gafu te Hesus Kristu

³⁵ Ammi nehuya ni Hesus ya anitu en ta “Awem la magsitang, a pagtugutām na ya tolayina,” kunna. A nagganwatan na anitu en pinagbalyad ya lalaki en, kapye na nagtugutan, ammi awan ta nakaan-anun na lalaki en.

Lukas 4:35 Iomraidhean Croise

Matyu 17:18

A ta nepangihuya ni Hesus ta anitu na abbingen a nealistu na nagtugutan, a yen ya nepagmappya na abbingen.

Matyu 8:26

“A anu haman ta magburung kam? Kuga assang la ya pangikatalak muy,” kunna hapa tekid. A tentu en nagtayuk a “Magimmang kanan,” kunna ta paddaden ikid na palung kiden, a nagimmang kid na, a nagsimpan ya danumen.

Markus 1:26

A nagganwatan na anitu en ya lalaki en pinagbalyad, kapye na hapa kimahalwan ta pagtugut na tentu.

Markus 4:39

A tentu nahukal a nehuya na ya paddad, a “Magintak kan,” kunna hapa ta danumen, a nagimmang na, a nagsimpan ya danumen. A ya uhohug na hapa ta ituldu na kiden a

Markus 9:26

A pinaggihawa na anitu en ya abbingen kapye na ha pinagkissiw ta masikan na kissiw, a yen ya nepagtugut na. A kuman na nasin ya abbingen. “Ay e, nasin,” kun na kadwan kiden.

Lukas 4:23

A ya uhohug para ni Hesus tekid a “Gagangay ta kummuy nga maguhohug teyak ta ‘Awem mina igitta ya barim ta doktor am awem bit urun ya barimina hapa la. A ya kuman na tinarabakum kan ta ili na Kapernayum, a ipaitam hapa ta isin lugar mi, petta itta hapa ya pangurugan mi teko,’ kummuy teyak.

Lukas 4:39

A umange i Hesus ta pagiddan na en, a nehuya na ya patu na, a yen hapa ya nepagkamag na patu na en. A alistu imivwat kapye na ange nagafuy petta mangan kid.

Lukas 4:41

A pinatugut na hapa ya anitu na addu na seanitu kiden, a nagtugut kid kimahalwan, “Iko kad ya Anak na Namaratu ewan,” kun na ayag da. Ammi nehuya na kid nga maguhohug, te amu da ta intu ya Kristu nga Mangikerutan, a awena ikayat ta ikid ya mangipadangag tentu.

Lukas 8:24

A gafu ta burung da a enda hinukal i Hesus. “Afu, Afu, malimat kitam O,” kunda. A ta nekahukal ni Hesus a nehuya na ya paddad ikid na danumen nga pake nagpalung na, a nagimmang kid na, a nagsimpan ya danumen.

Lukas 9:39

te itta garay ya anitu na. A am pagkagtutan na anitu na en a gimihawa. A sangaw am pagkissiwan na, a pagdangkakan na hapa ta lutak, a paglukbakan na para, a awena ibbatan.

Lukas 9:42

A tentu en nangiange ta anak na en tentu a ka-ma la pinagkissiw na anitu na en. Ammi ginamman ni Hesus ya anitu en a nagmappyan ya abbingen, a “Yeh, alapam na,” kunna te dama na en.

Nagmatakar 12:12

Magayayat kanan mantu, ikamuy nga magyan ta langit. Ammi kakallak kanan nga magyan ta lutak ikid na bebay, te dumagut na tekamuy ya Dyablo Satanas, a mefulot ya poray na, te amu na ta assang na ya araw na,” kunna.