Lukas 4:31 - Uhohug na Namaratu gafu te Hesus Kristu

³¹ A nagtoli mantu i Hesus ta ili na Kapernayum ta iten Galileya. A ta araw na agimmang a umange nakigimung ta kapilya da en, a nangituldu hapa.

Lukas 4:31 Iomraidhean Croise

Matyu 10:23

A am tapangan da kam ta takday lugar a umalit kam mantu ta takday na lugar, te pake ibar ku tekamuy ta awemuy sangaw mesaned ya ngamin kiden ili ta lugar na Istralita addet ta dumatang ya Tolayin nga taga Langit.

Matyu 4:13

A pa nagyan bit ta ili na Nasaret, kapye na umalit hapa ta ili na Kapernayum. A ya ili na Kapernayum a nesaad ta pingit na Alug na Galileya ta lutaken nga nebingay ta tribu na Zebulun ikid na Naptali ta palungu na araw.

Lukas 4:23

A ya uhohug para ni Hesus tekid a “Gagangay ta kummuy nga maguhohug teyak ta ‘Awem mina igitta ya barim ta doktor am awem bit urun ya barimina hapa la. A ya kuman na tinarabakum kan ta ili na Kapernayum, a ipaitam hapa ta isin lugar mi, petta itta hapa ya pangurugan mi teko,’ kummuy teyak.

Turin Kiden 13:50

Ammi ya magturay kiden ta ili nga lālāki ikid na naba-nang kiden babay nga makipaggimung ta kapilya da en a pinagporay na Hudyo kiden ya nonot da, petta ikatupag da ig Pablu, a yen ta pinatugut da kid ta ili.

Turin Kiden 18:4

A kada Sabadu a makigimung hapa i Pablu ta kapilya na Hudyo kiden, a nakiuhohuganan tekid pase Giregu kiden, talo am mangurug kid hapa te Hesus.