Lukas 3:3 - Uhohug na Namaratu gafu te Hesus Kristu

³ A sinaned na hapa ya ngamin kiden lugar ta naggwadamdammang na Karayan na Hurdan, a kinasaba na ya tolay kiden. “Ulin muy ya gagangay muy, a zigutan ta kanan, petta pakoman na kam hapa na Namaratu ta liwat muy,” pakakin tekid.

Lukas 3:3 Iomraidhean Croise

Matyu 3:11

“A yen ta itta yak sin nga mangzigut tekamuy ta danumin, petta mepasikkal ta nauli muy ya gagangay muy. Ammi itta sangaw ya ange ta gafan ku nga pake dakdakal ya pakapangwa na ammi teyak, te maski la awek megitta nga makitagabu tentu nga mangubad ta sapatos na kiden. A intu sangaw ya mangpasinap tekamuy ta Kahalwa na Namaratu. Ammi ya awan kiden magbabawi a pa-gangan na kid sangaw ta afuy,

Lukas 1:16

“A addu hapa sangaw ya patolin na nga Istralita kiden ta dafu da ewan Namaratu,

Lukas 1:77

Te ipadangag mu ya pangikerutan na ta tolay na kiden, ikid na pagpakoma na ta liwat da kiden.

Lukas 4:1

A ta nekabalin ni Hesus nagzigut ta karayan na Hurdan a napasinapān hapa ta Kahalwa na Namaratu. A tentu en nagtugut a dumatang na mina ta agyan na, ammi pinagdulot na Kahalwa en ta bagbagetay kiden, a itta ten addet ta appatafulu araw petta attaman na hapa ya pangparuba ni Satanas tentu.

Hwan 1:28

A nakkwa ye-yen ta lugar na Betanya ta dammang na karayan na Hurdan, te yen ya nangzigutan ni Hwan ta tolay kiden.

Hwan 3:26

A yen ta nagtoli ya ituldu na kiden tentu, te pohutan da hapa tentu. “Mistro,” kunda te Hwan, “Anu hud ya uray mu ta umangen nagpazigut teko ta dammang na Karayan na Hurdan? Iko paen ya nangipasikkal tentu, a ta ayanin intun ya mangzigut, a intu hapa ya eyan na ngamin tolay,” kunda.

Turin Kiden 13:24

Ammi dana imunnan bit tentu i mina Hwanen, te nepadangag na ta magbabawi mina ya ngamin tolay nga Istralita ta liwat da kiden, kapye na kid zigutan.

Turin Kiden 19:4

A ya uhohug para ni Pablu tekid a “Zinigut ni Hwan ya tolay kiden gafu ta pagbabawi da ta liwat da kiden, ammi intu nepasikkal na tekid ya ngagan ni Hesus, te intu mina ya ikatalak da nga mangpasinap tekid ta Kahalwa na Namaratu,” kunna.

Turin Kiden 22:16

A awem na mantu magtalantan, te pazigut kan, a ayagam na ya ngagan ni Hesus, petta mabaggawan ya liwat mu kiden,’ kunna hapa teyak.