Lukas 23:8 - Uhohug na Namaratu gafu te Hesus Kristu

⁸ A ta nepangidatang da tentu te Herud a matalakan hapa i Herud, te addu ya nadangdangag na te Hesus ta idi, a ikayat na hapa itan, talo am itta ya ipaita ni Hesus tentu ta pakapangwa na.

Lukas 23:8 Iomraidhean Croise

Matyu 14:1

A gafu ta ngamin kiden tinarabaku ni Hesus a simaned hapa ya damag na addet ta addu na lugar. A ta nepakadamag ni Gubernador Herud ta ngamin tinarabaku na a pahig na ta intu hala i Hwanen nga pinapasi na ta idi otturu natolay hala.

Markus 6:14

A sangaw nadamag ni Ari en Herud ya ngamin kiden tarabaku ni Hesus, te sigida bibidan na tolay kiden ya ngagan na, a lavlavunan da am inya ya katolay na. “Intu hala i Hwanen nga nangzigut ta tolay kiden, a yen ta itta ya pakapangwa na, te natolay hala ta pasi na en,” kun na kadwan.

Markus 8:34

A sangaw pinaabikan na ya ituldu na kiden ikid na kadwan kiden tolay nga nangkalihung tentu petta madangag da ya ibar na tekid. “Am itta ya mayat dumagdag teyak a mappya ta pagtalekudan na ya bari na, a attaman na ya zigat na pangurug na teyak, petta makadagdag teyak.

Lukas 4:23

A ya uhohug para ni Hesus tekid a “Gagangay ta kummuy nga maguhohug teyak ta ‘Awem mina igitta ya barim ta doktor am awem bit urun ya barimina hapa la. A ya kuman na tinarabakum kan ta ili na Kapernayum, a ipaitam hapa ta isin lugar mi, petta itta hapa ya pangurugan mi teko,’ kummuy teyak.

Turin Kiden 8:19

“Atadan dak haen ta kuman na pakapangwa muy, petta mapasinapān hapa ya kesagpawan na kamat ku ta Kahalwa na Namaratu,” kunna.