Lukas 23:4 - Uhohug na Namaratu gafu te Hesus Kristu

⁴ A sangaw naguhohug i Pilato ta Hudyo kiden nga ange nangidarum, “Ta kuman na uray ku a awan ta gafu na pangidarum muy tentu,” kunna.

Lukas 23:4 Iomraidhean Croise

Matyu 27:19

A tentu en para la imatuttud nga magindag ta uray da a itta hapa ya enna nepadamag na atawa na en tentu. “Awem la mekabkabat ta panggakkad da ta tolayina nga awan ta liwat, te pake nazigatanak ta hiklamen gafu ta tarinap ku tentu,” kunna kan.

Markus 15:14

“Te anu hud, anu hud ya liwat na?” kunna hapa. Ammi pake giaggayan kid ha ta masikan; “Pagappam ta kayu, pagappam ta kayu,” pakakin kid.

Lukas 23:22

“Annun ku hud papasin? Anu hud ya liwat na? Awan haman ta amuk ta pakapapasi na. A mapmappya ta papaligat ku la kapyek pohetan,” kunna ha ni Pilato tekid.

Hwan 18:38

“Anu hud ya serbi na kakurugan?” kunna ha ni Pilato tentu, kapye na imuhet ha ta agyan na Hudyo kiden. A ya uhohug na tekid a “Awan haman ta naapagan ku ta pangpapasin ku mina tentu,

Turin Kiden 25:25

Ammi awan haman ta nadangag ku ta pangpapasin ku mina tentu. A gafu ta pedob hapa te Ari Sisar a doban ku mantu tentu.

Turin Kiden 3:13

Awan ta takwan na namagmappya ta tolayin yan am bakkan ta Namaratu ewan nga Dyos na gingginafu tam kiden Abraham, ikid ni Isak, ikid ni Hakob, te uray na ta mesipat ya ngagan na Anak na en Hesus ta pakedayawan na en petta makapagmappya ta pilayin. “A intu hala ya emmuy netulud te Gubernadoren Pilato petta papapasi muy. A inibbatan na mina ni Pilato en ammi inawe muy haman.

Hebreyu 7:26

A i Hesus mantu ya kadakalan na padi nga makauffun tekitam te kagitta hala na Namaratu ewan, a awan ta liwat na ikid na pakehuyan na, te awena mekabat ta magliwat kiden, a ta ayanin a neata-nang hapa addet ta utun na ngamin kiden magyan ta langit.

1 Pedru 2:22

te awan haman ta iningwa na ta dulay, ikid na awan ta inuhohug na ta awan kustu.

1 Pedru 3:18

Te intu mina pagnonotan muy i Hesusen tentu en nasi nga nangikaru ta liwat tam kiden. Ya awanen ta liwat ya nazigatan, te netali tekitam nagkillu, petta padatangan na kitam ta Namaratu ewan. Nasi ya bari na en, ammi natolay hala nga sekahalwa.