Lukas 23:38 - Uhohug na Namaratu gafu te Hesus Kristu

³⁸ te dana netun da ya surat ta utun na ulu na en, a “Ari na Hudyo kiden,” kun na suraten.

Lukas 23:38 Iomraidhean Croise

Matyu 2:2

te pohutan da ta tolay kiden am had agyan na bagu en ari na Hudyo kiden “Te naita min ya lattog na bitwanen nga mangibar ta nekeanak na, a yen ta itta kamin sin te emmi hapa dayawan,” kunda.

Matyu 27:11

A i Hesusen hapa a pinagtayuk da ta atubang na gubernadoren, petta imbestigaran na. “Anu, iko hud ya nebar da en nga Ari na Hudyo kiden?” kunna te Hesus, “A kompormi ya ibar mu,” kunna hud la ni Hesus tentu.

Matyu 27:37

Itta hapa ya nesurat da ta utun na ulu na en petta mebasa ya pangpapasin da tentu, “Ye-yan i Hesus nga Ari na Hudyo kiden,” kun na surat da,

Markus 15:18

A sangaw daydayawan da kampon ta “Ihi, malalaki ya Ari na Hudyo kiden,” kunda.

Markus 15:26

a itta hapa ya nesurat da ta utun na ulu na en petta mebasa ya pangpapasin da tentu. “Ye-yan ya Ari na Hudyo kiden,” kun na surat da.

Markus 15:32

“Intu pon ya Mangikerutan nga Ari na Istralita kiden, a mappya mantu ta dumagut na ta krus, petta itta mina ya pangurugan tam tentu,” kunna hapa na kadwan. A kumanen hapa ya pangidadula na tulisan kiden tentu nga pinagappa da ta dwaakub na en.

Lukas 23:3

A gafu ta kumanen a pinohutan hapa ni Pilato, “Kurug de ta iko ya ari na Hudyo kiden?” kunna. “Itta la teko,” kunna hapa ni Hesus.

Hwan 19:3

A sangaw natubtubbat kid nangatubang nga nagdayaw kampon tentu. “Ihi, kuga malalaki ya Ari na Hudyo kiden,” kun na dayaw da, kapye da hapa linaplappag.