Lukas 22:70 - Uhohug na Namaratu gafu te Hesus Kristu

⁷⁰ “A ta kuman na ikayat mu uhohugan a iko ya Anak na Namaratu ewan?” kunda. “Kakurugan ta iyakin yen,” kunna hapa.

Lukas 22:70 Iomraidhean Croise

Matyu 26:25

A yen hapa ya nepagpohut ni Hudasen nga manggakkad mangitalaba tentu. “A iyak hud, Afu, ya kinamen nga mangitalaba teko?” kunna. “Maski iko,” kunna hapa ni Hesus tentu.

Matyu 26:64

A ya tabbag hapa ni Hesus tentu a “A iko haman ya nangibar, ammi ibar ku hapa tekamuy ta makipaita sangaw ya Tolayin taga Langit nga makipagtuttud ta agtuttudan na Seppakapangwa ta Ngamin, te magtoli hala sangaw sin nga imatuttud ta kulam kiden,” kunna.

Matyu 27:11

A i Hesusen hapa a pinagtayuk da ta atubang na gubernadoren, petta imbestigaran na. “Anu, iko hud ya nebar da en nga Ari na Hudyo kiden?” kunna te Hesus, “A kompormi ya ibar mu,” kunna hud la ni Hesus tentu.

Matyu 27:43

“Nekatalak na kan ya Namaratu. A am itta ya pangkenga na Namaratu tentu a ikerutan nan mina, te ‘Iyak ya Anak na Namaratu,’ kunna paen,” kunna para na kadwan.

Matyu 27:54

Ammi ta nepasi ni Hesus ta nagappan na en a itta hapa ya takday kapitan ikid na sakā suddalu na kiden nga nagtaron ta pasi na. A tekid na hapa nakaita ta lunigen, ikid na ngamin kiden napadatang, a pake nagtalaw kid na, “Kakurugan kad ta Anak na Namaratu yan,” kunda.

Matyu 3:17

A nepagka-ma na hapa ya naguhohug ta langit. “Ye ye-yan ya Anak ku nga matakit ta nonot ku. Pake matalakanak tentu,” kunna.

Matyu 4:3

A yen hapa ya neange ni Satanas tentu, petta paruban na. “Bakkan ka hud ta Anak na Namaratu ewan? A maguhohug ka mantu ta batu kidin, petta magbalin kid ta pan, petta mangan ka,” kun ni Satanas tentu.

Markus 14:62

“A iyak ay, a ibar ku hapa tekamuy ta makipaita sangaw ya Tolayin taga Langit nga makipagtuttud ta agtuttudan na Seppakapangwa ta Ngamin, te magtoli hala sangaw sin nga imatogkok ta kulam kiden,” kunna.

Markus 15:2

A ta nepagpatayuk dan tentu ta atubang na gubernadoren a nagpohut hapa i Pilato tentu; “Anu, iko hud ya nebar da en nga ari na Hudyo kiden?” kunna te Hesus. “Iko mina ya mangibar,” kunna hud la ni Hesus tentu.

Lukas 22:71

“Itan muy yen, masapul hud para ya mangipasikkal ta liwat na, te ikitanan hapa la ya nakadangag ta uhohug na,” kunda.

Lukas 23:3

A gafu ta kumanen a pinohutan hapa ni Pilato, “Kurug de ta iko ya ari na Hudyo kiden?” kunna. “Itta la teko,” kunna hapa ni Hesus.

Lukas 4:41

A pinatugut na hapa ya anitu na addu na seanitu kiden, a nagtugut kid kimahalwan, “Iko kad ya Anak na Namaratu ewan,” kun na ayag da. Ammi nehuya na kid nga maguhohug, te amu da ta intu ya Kristu nga Mangikerutan, a awena ikayat ta ikid ya mangipadangag tentu.

Hwan 1:34

A gafu ta naitak ya nebar na en teyak a napasikkal kun ta intu hala ya Anak na Namaratu ewan,” kunna.

Hwan 1:49

“Ay, Afu, kakurugan mantu ta iko ya Anak na Namaratu ewan, talaga ta iko ya Ari na Istralita kiden nga indagan mi,” kunna hapa tentu.

Hwan 10:30

te ikami ni Damak a tatakday kami,” kunna.

Hwan 10:36

a panadakat ku hud am ibar ku ta Anak nak na Namaratu ewan, bakawa iyak haman ya pinasinapan na ikid na pinakabari na nga nedob na ta paglelehutin.

Hwan 18:37

“A ari ka mantu ay?” kun ni Pilato tentu. “Iko ya mangibar ta ari yak, ammi ibar ku teko ya gafu na nekeanak ku, te umange yak ta lutakin petta ipasikkal ku ya kakurugan ta tolay kiden. A ya ngamin kiden mangidulot ta kakurugan a yen kid ya mayat mangdangag teyak,” kunna hapa ni Hesus.

Hwan 19:7

“Onay, ammi nakaliwat ta lintig mi, te maski tolay la a negitta na ya bari na ta Anak na Namaratu ewan, a yen mina ya kapapasi na,” kunda.