Lukas 22:30 - Uhohug na Namaratu gafu te Hesus Kristu

³⁰ petta ikamuy hapa sangaw ya makiatubang teyak ta lamesaken ta lugar na pagariyan ku. A magtogkok hapa sangaw ya tagtakday tekamuy ta kuman na agtogkokan na ari, petta magibbal kam hapa sangaw ta mafulu duwa kiden tribu na Istralita kiden.

Lukas 22:30 Iomraidhean Croise

Matyu 19:28

A ya tabbag hapa ni Hesus tentu a “Kakurugan ya uhohug ku tekamuy ta sangaw am ittan ya bagu en paglelehut a yen hapa sangaw ya pagtogkok na Tolayin taga Langit ta pagariyan na en. A ikamuy hapa nga nagattam dumagdag teyak a maatadan kam hapa sangaw ta turay muy, petta makkamu kam ta mafulu duwa kiden tribu na Istralita kiden.

Matyu 5:3

“Ya ngamin kiden makkamu ta itta ya pagkurangan da a nagāsāt kid, te Namaratu sangaw ya makkamu tekid,” kunna.

Matyu 8:11

“A pake ibar ku hapa tekamuy ta pake addu para sangaw ya mangurug nga taga ngamin kiden lugar ta paglelehutin. A maski am bakkan ta Istralita kid a mesipat kid hala sangaw teg mina Abraham ikid ni mina Isak ikid ni mina Hakob ta pangikerutan na Namaratu ewan.

Lukas 12:37

A nagāsāt sangaw ya awan kiden mangikasidug ta datang na dafu da, te pagtuttudan na kid hapa sangaw ta lamesa na en, kapye na kid pakanan.

Lukas 14:15

A ta nepakadangag na takdayen kahebing ni Hesus ta binida na en a “Umpa, magāsāt sangaw ya makikkanan ta pagpamakan na Namaratu ta pagtogkok na Dafu tamen,” kunna.

2 Timotyo 2:12

A am mesipat kitam ta kuman na zigat na en a kumanen hapa sangaw ta pagturay na en, ammi am pagtalekudan tam a pagtalekudan na kitam kan hapa, te yen haman ya nebar na.

Santiago 1:1

Tekamuy nga tolay na Namaratu nga nesaned ta ngamin kiden lugar. Ampade Namaratu ya makkamu tekamuy. A ya nagsurat tekamuy a iyak, Santiago, nga takday daddoban na Namaratu ewan ikid ni Afu Hesus Kristu.

Nagmatakar 19:9

A sangaw itta ya anghel nga naguhohug teyak, “Isurat mun yan: ‘Nagāsāt ya ngamin kiden magawi ta boda na Kalneru en, te mesipat kid na ta pagpamakan na,’” kunna. “Te kakurugan yan kid na uhohug na Namaratu,” kunna ha.

Nagmatakar 3:21

A ya ngamin kiden mangabak ta dulay a isipat ku kid nga makipagturay teyak, petta parigan dak hapa ta pakipagturay ku te Damaken gafu ta pangabak ken.

Nagmatakar 4:4

A itta hapa ya dwafulu appat na lala-laay nga gituttudan, te linehut da ya ari en, a tagtakday kid hapa ta kuman na agtuttudan na ari. Sa magbarawasi kid ta dipuru furaw, a nagsangngat kid hapa ta balituk.