Lukas 22:3 - Uhohug na Namaratu gafu te Hesus Kristu

³ A tekiden para la nagmiting a itta hapa ig Hesus ikid na ituldu na kiden ta takwan na lugar, a yen hapa ya nesassarok ni Satanas ta nonot ni Hudas Iskaryote petta italaba na i Hesus, te intu ya takday na mafulu duwa kiden kahulun ni Hesus.

Lukas 22:3 Iomraidhean Croise

Matyu 10:4

a ya takdayen Simon nga kahulun na nakitapil ta gubyernu ta idi, ikid ni Hudas Iskaryote nga mangitalaba sangaw te Hesus.

Matyu 26:23

“Intu sangaw mangitalaba teyak ya nakipagkammat teyak ta pingganin.

Matyu 4:10

“Atsii, umadayu kan teyak, Satanas, te ya nesurat ta lebru na Namaratu a ‘Namaratu la ya dayawan muy, a intu la tatakday ya pakidafun muy,’ kunna.”

Lukas 22:21

A itta hapa ta lamesa in ya mangitalaba sangaw teyak,

Lukas 6:16

ikid ni Hudas nga anak ni Santiago, ikid ni Hudas Iskaryote nga mangitalaba sangaw te Hesus.

Hwan 12:6

A awan haman ta pangkenga na ta pobre kiden, ammi inuhohug na yen, te intu hala ya mangifun ta sufuten nga aggiappiyan da ta pirak da en, a gafu ta mangtakaw a kanayun nangalap ta nesufut da en.

Hwan 13:18

“Ammi itta hala ya takday tekamuy nga awan mesipat ta bidan ken tekamuy, a maski am intu ya takday nepadagdag ku a dana amuk ta takwan hala ya nonot na. Ammi mappya ta kunna ten petta magdulot hala sangaw teyak ya kuman na nesurat ta Bibliya, te ya uhohug na suraten a ‘Nekuyat nak na nakikkanan teyak,’ kunna.

Turin Kiden 5:3

Ammi ya uhohug ni Pedru tentu a “Ananayas, anu kawagan na ta iningwam ya nepanonot ni Satanas teko? Nagtuladam mantu ya Kahalwa na Namaratu, te nesirak mu haman ya kadwan naglakun muy ta lutak muyen.