Lukas 21:35 - Uhohug na Namaratu gafu te Hesus Kristu

³⁵ te dumatang la dumatang ye-yen na araw ta ngamin kiden tolay ta utun na lutak.

Lukas 21:35 Iomraidhean Croise

Lukas 17:37

A tentu nabalin nagbida tekid a pinohutan da am had sin na lugar ya pagdulotan na sangaw ta araw na pagtoli na. A ya nebar na tekid a “Maski am had sin ya agyan na nasi en nalabag a yen hapa ya datangan na magkakan tekid. Te am pake nagdulay na ya tarabaku na tolay kiden ta lutakin a yen sangaw ya datang na pangpa-gang na Namaratu tekid,” kunna.

Lukas 21:34

“A mappya mantu ta imugudan muy, petta awemuy maayayyaw gafu ta madugal kam ikid na magillaw kam ikid na magburung kam ta katolay muy. A sigida makaparan kam, ikid na awemuy sangaw masikwatan ta araw na zigat,

Lukas 21:36

A mappya mantu ta hutunān muy, a sigida makimallak kam, petta itta ya pagsikan muy nga magattam ta ngamin kiden dumatang, petta awemuy sangaw mamat am mapaatubang kam sangaw ta Tolayin taga Langit ta datang na,” kunna.

Turin Kiden 17:26

Te ya napopolu en tolay nga pinadday na, a intu la tatakday ya nagafun na ngamin tolay maski am anu ya katolay da, petta magyan kid ta utun na lutakin. Ammi dana tinugnakan na ya lugar na pagyanan da ikid na kabayag na araw da,

Nagmatakar 16:15

A ya ngagan na lugaren nga pagkakampatan da sangaw a ‘Armagidon,’ kunna ta agsitang na Hebreyu. A yen sangaw ya lugar na pakilabanan da ta Namaratu ewan, te yen sangaw ya kadakalan na araw na pakilaban na Namaratu tekid. A ya uhohug hapa ni Hesus a “Dangagan muy, te pagka-ma muy sangaw ya datang ku ta kuman na ange na tulisan. A pake nagasgāsāt sangaw ya sehahukal ikid na sebarawasi nga mangipa-na teyak. Ammi ta masidug kiden nga awan nagbarawasi a kakallak kid,” kunna.