Lukas 20:17 - Uhohug na Namaratu gafu te Hesus Kristu

¹⁷ A pake inita na kid ni Hesus, a “Am pahig muy ta awena sangaw pa-gangan na Namaratu ya pinagtaron na kiden ta kwa na a intu mina pagnonotan muy ya nesurat na aglavunen, te ‘Newarad na magbali kiden ya arigi en nga nepapatayuk na Namaratu tekid. Ammi netoli na hala a yen ya pinagbalin na ta kasikanan na arigi ta ngamin bali,’ kunna.

Lukas 20:17 Iomraidhean Croise

Matyu 21:42

A ya uhohug ni Hesus tekid, “A kustu hapa ya tabbag muyen, te kakurugan ta azin na kam sangaw na Namaratu ta pangikerutan na en, a takwan na tolay sangaw ya itali na tekamuy nga mangatad tentu ta lugar na kwa na. Awemuy mantu naawatan ya binasa muyen ta surat na aglavunen, te ‘Newarad na magbali kiden ya arigi en nga nepapatayuk na Namaratu tekid. Ammi netoli na hala, a nagbalin ta kasikanan na arigi ta ngamin bali, te Namaratu ya nakkamu tentu, a dayawan tam hapa ya kalalaki na,’ kunna.

Markus 10:23

A sangaw nagliplipay i Hesus kapye na ha naguhohug ta ituldu na kiden: “Kuga mazigat ya isassarok na maba-nang ta pangikerutan na Namaratu,” kunna.

Markus 12:10

A yen ta nonotan muy mina ya uhohug na aglavunen ta surat na en, te nebar na ta ‘Newarad na magbali kiden ya arigi en nga nepapatayuk na Namaratu tekid, ammi netoli hala, a nagbalin ta kasikanan na arigi ta ngamin bali,

Markus 3:5

A init-ita na kid la ta pagporay na tekid, te madamdam hapa gafu ta pagtuyag na nonot da, otturu naguhohug ha ta lalaki en. “Uyadam la ya kamat mina,” kunna, a tentu en nanguyad a negitta ta takdayen kamat na nga mappya.

Lukas 19:41

A tentu en nakaabikan ta ili na Herusalem a pake itan na, a nagtangit hapa ta damdam na ta tolay na kiden.

Lukas 22:61

A nagbalittag na hapa i Hesus nga imatubang tentu, a yen hapa ya nepakanonot ni Pedru ta uhohug ni Hesus tentu ta “Mamillu ka mangilemad teyak ta awena para la pagtareknay na manuk,” kunna.

Lukas 24:44

A sangaw nagbida ha tekid, “Dana nebar ku haman tekamuy ta magdulot hala sangaw teyak ya ngamin kiden nabida da ta lebru na kansyon kiden ikid na surat kiden ni Moses ikid na aglavun kiden,” kunna.

Hwan 15:25

Ammi gagangay ta kunna ten petta magdulot teyak ya kuman na dana nesurat ta lintig kiden nga neatad na Namaratu tekid, te ya uhohug na a ‘Nekatupag dak maski awan ta liwat ku nga pangikatupagan da mina,’ kunna.

Turin Kiden 4:11

“I Hesusen mantu ya batu en nga dana nabida ta surat na Kansyon kiden, te intu hala ya neatad na Namaratu tekamuy petta isaad muy mina ta kuman na kepundasyon na bali, ammi newarad muy haman. Ammi netoli hala na Namaratu, a pinagbalin na ta kadakalan na batu ta bali na. Te maski am pinagappa muy a tinolay hala na Namaratu ewan.

Efeso 2:20

A sa nekwenta na kitam ngamin ta kuman na bali na en nga pagyanan na, te ya popolu kiden turin ni Hesus ikid na aglavun kiden nga nangiuhohug ta ibar na Namaratu a yen kid ya kuman na arigi na bali na en, a nedagga kanan hapa tekid. Ammi i Afu Hesus ya mayor na arigi,

1 Pedru 2:6

Te ya uhohug na Namaratu nga nesurat ta Bibliya na dadagkal tam kiden a “Itta sangaw ya isaad ku ta mapili ikid na kaispotan na batu, petta megitta ta mayor na batu ta bali kin. A maski am inya sangaw ya mangurug tentu a mesipat hapa sangaw ta dayaw na en,” kunna.