Lukas 2:49 - Uhohug na Namaratu gafu te Hesus Kristu

⁴⁹ “A annun dak haman burungan? Dana amu muy mina ta itta yak ta bali ni Damakin,” kunna hapa tekid.

Lukas 2:49 Iomraidhean Croise

Matyu 21:12

A ta datang ni Hesus ta ili na Herusalem a simarok hapa ta simbaan na Namaratu. A tentu nakaita ta naglaku kiden ikid na gumatang kiden a sa pinohet na kid, yaga pinagsikig na hapa ya lamesa na nagtali kiden ta pirak, ikid na pagtuttudan na naglaku kiden ta kalapati.

Lukas 2:48

A ta nepakaita nig Mariya tentu a nagpaka-lat kid tentu, a nehuya na hapa na hina na en; “Aleng, anu haman ta nasirak ka ta isin, te pake nagburung kami ni Damam nga nagapag teko,” kunna.

Hwan 4:34

A gafu ta kumanen a nepasikkal ni Hesus ya ikayat na uhohugan tekid; “Intu hala kanan ku ya pangidulot ku ta ikayat na nangidoben teyak petta ibalin ku ya patarabaku na en teyak.

Hwan 5:17

Ammi ya uhohug ni Hesus tekid “A te magtarabaku para la i Damakewan, a yen ta magtarabaku yak hapa,” kunna.

Hwan 5:36

“Ammi itta ya takwan na mangtistigu teyak nga pake dakdakal ammi te Hwan, te ya ngamin kiden tarabakuk nga nepatudun ni Damakewan teyak a yen kid para la ya idulot ku. A yen kid hapa ya mangtistigu teyak, petta amu muy ta awan ta takwan na pagafun ku am bakkan la te Damakewan Namaratu, te intu ya namatudun teyak.

Hwan 6:38

Te yen ta nagtugutak ta langitewan ikid na dumagut ta isin petta idulot ku la ya ikayat na nangidoben teyak, te bakkan ta ikayat kin ya tarabakun ku.

Hwan 8:29

A maski am intu ya nangidob teyak a nehulun hala teyak, a awenak sangaw pagurayān, te kanayun kwan ku ya makamamallak tentu,” kunna.

Hwan 9:4

A mappya mantu ta idulot tam ya patarabaku na nangidoben teyak ta ketta para la na araw tam, te dumatang sangaw ya kuman na hiklam ta awetam pakatarabaku.