Lukas 2:11 - Uhohug na Namaratu gafu te Hesus Kristu

¹¹ te ittan ya mangikerutan tekamuy nga bagu neanak ta ayanin ta ili na Betlihem. A intu hala ya ari muyen Kristu nga nekari na Namaratu tekamuy.

Lukas 2:11 Iomraidhean Croise

Matyu 1:16

a i mina Hakob ya dama ni mina Hose, a i Hose ya atawa ni Mariya, a Mariya ya hina ni Hesus nga nagngagan hapa ta Kristu nga Mangikerutan.

Matyu 1:21

A am maganak sangaw ya atawam ta lalaki a ingagan muy sangaw te Hesus, te intu sangaw ya mangikaru ta liwat na ikattolay muy kiden petta mekerutan kid,” kun na anghelen tentu.

Matyu 16:16

A i Simon Pedru ya alistu tumabbag; “A iko ya Mangikerutanen nga netun na Namaratu ta pinakadama mi, te Anak ka na sigatolay na Dyos,” kunna.

Matyu 16:20

A sangaw pake nebar ni Hesus ta aweda mina bibidan ta intu ya pinakadama da nga nekari na Namaratu.

Lukas 1:43

Ammi anu hud ya pangdayawan na Namaratu teyak ta doban na teyak ya magbalin ta hina na Dafu kewan?

Lukas 1:69

A kustu hapa ya uhohug na aglavun kiden nga nepeuhohug na Namaratu tekid ta palungu araw, te patayukan nan tekitam ya mangikerutan nga meanak ta simsima ni mina Dabid,

Lukas 2:26

a dana nepakkamu na Namaratu tentu ta awena para la masi addet ta maita na bit apolu ya Ari en Kristu nga nekari na Namaratu.

Lukas 2:4

a masapul ta magtugut bit hapa ig Hose en ikid na atawa na en Mariya ta ili na Nasaret ta iten Galileya, te ange kid ta ili na Betlihem ta lugar na Hudeya, te yen ya ili na gingginafu da en mina Dabid ta idi.

Hwan 1:41

A enna mantu inapag ni Andres. A ta nepakaapag na tentu a “O, Simon, ittan hala ya Messayasen nga dana nebar na Namaratu tekitam, te nesimmun min,” kunna. (Ya ikayat na uhohugan na “Messayas” nga kinan na, a “Mangikerutan”.)

Hwan 1:45

A sangaw enna inapag ni Felipe i Natanyel. “O Natanyel, ittan hala ya Messayasen nga binida nig mina Moses ta lintig na kiden ikid na aglavun kiden na Namaratu ta surat da kiden, te naita min. Intu hala i Hesus taga ili na Nasaret, a anak hapa ni Hose en,” kunna te Natanyel.

Hwan 11:27

“A kurugan ku ay, Afu, te iyak la takday a dana nangurugak na ta iko ya Anak na Namaratu ewan, ikid na Mangikerutan nga umange kan ta lutakin,” kunna.

Hwan 20:31

Ammi yen ta nesurat kun ya kadwan ta isin petta yen kid ya pangurugan muy ta intu hala ya Anak na Namaratu ewan ikid na Mangikerutanen nga nekari na tekitam, pettam kumanen am mangurug kam mina tentu a ittan ya angat muy nga magnayun gafu tentu.

Hwan 4:25

A ya uhohug na babbayen hapa a “Intu la amuk ta ange sangaw ya kinan da en Kristu Mangikerutan, a intu sangaw ya mangipakamu ta ngamin tekitam,” kunna.

Hwan 4:42

A ya uhohug da hapa ta babbayen a “Dana nangurug kami gafu ta uhohug mu tekami, ammi ta ayanin a mismo tekami ya nakadangag tentu a pake gustu ya amu mi ta intu ya Mangikerutan ta ngamin tolay,” kunda.

Hwan 6:69

A nangurug kamin teko, te amu min ta iko ya kagitta na Namaratu ewan nga nagafu tentu,” kunna.

Hwan 7:41

A ya uhohug na kadwan a “Maski intu hala ya Mangikerutan,” kunda. Ammi awena nangurug na kadwan, te “Taga Galileya hud sangaw ya Mangikerutan tekitam?

Turin Kiden 10:36

A ya uhohug na en nga nepepadangag na ta Istralita kiden a pakoman na kid na ta liwat da gafu ta pasi ni Hesus Kristu, ammi bakkan la ta liwat da, am awa liwat na ngamin, te intu hala ya pinagbalin na Namaratu ta dafu na ngamin tolay.

Turin Kiden 13:23

“A ya simsima kiden hapa ni mina Dabiden ya nagafun na Mangikerutanen nga nekari na Namaratu tekitam, te intu hala i Hesus.

Turin Kiden 17:3

A netuldu na hapa tekid ya surat kiden nga dana nangibar ta iange na Mangikerutan, petta amu da ta dana nekari ya pasi na ikid na katolay na. “A ya Hesusen nga ipadangag ku tekamuy a intu hala ya Mangikerutan nga nekari na Namaratu ewan tekitam,” kunna tekid.

Turin Kiden 2:36

“Mappya mantu, kahkahulun, ta ikamuy ngamin nga Istralita ya pake makkamu ta iningwa na Namaratu ewan, te ya Hesusen nga pinagappa muy a intu hala ya pinagbalin na Namaratu ewan ta Dafu tam ikid na Mangikerutan tekitam,” kunna. A yen la ya abat na binida ni Pedru tekid.

Turin Kiden 5:31

A intu para ya pinātā-nāng na petta makipagtogkok ta hebing na en, te pinagbalin na ta Dafu tam ikid na Mangikerutan tekitam. A ta ayanin a ibar na ta magbabawi kitam petta pakoman na kitam ta liwat tam kiden.

1 Korinto 15:47

A ya napolu en Adan a nagafu ta lutak, ammi ya takdayen na Adan a nagafu ta langit.

Pilipos 2:11

a petta sa mangibosag kid mina ta intu la Dafu tam i Hesus Kristu, petta Dama na en Namaratu ya madaydayawan, gafu ta uhohug na ibosag da en.

Pilipos 3:8

A maski am anu ya kappyanan ku ta idi a ikwentak na ta newarad te pake mapmappya hud la ya pakkamuk te Afu Hesus. A gafu ta intu a nekwentak na ya kuman na kappyanan ken ta duping, a nagtalekudan kun, petta magamid ku ya kappyanan ni Hesus.

Kolosas 2:6

Gafu ta mangurug kanan te Hesus Kristu nga nesaad na Namaratu ta dafu na ngamin a mappya mantu ta iduldulot muy ya patarabaku na tekamuy.

1 Hwan 4:14

Ta nepangidob na Namaratu ta Anak na en ta paglelehutin a ikami ikid na sakā turin ku kiden ya nakaita tentu, a intu hala ya ipadangag mi ta ngamin tolay, te intu hala tatakday ya makkamu mangikerutan tekitam.

1 Hwan 5:1

A ya ngamin kiden mangurug te Hesus ta intu hala ya Mangikerutan nga dinob na Namaratu ewan a yen kid mantu ya putut na Namaratu. A am kakurugan ta iddukan tam ya nagputut tekitam a gagangay ta isipat tam hapa iddukan ya kadwan kiden putut na.