Lukas 19:44 - Uhohug na Namaratu gafu te Hesus Kristu

⁴⁴ A rakrakan da sangaw ya alad muy ikid na ngamin kiden bali muy, a idangkak da kam sangaw ta lutak kontodu anak muy kiden. A awan sangaw ta mesalnuk maski ta takday la na batu ta bali muy kiden, te awemuy garay amu ya neange na mangikerutan mina tekamuy,” kunna.

Lukas 19:44 Iomraidhean Croise

Matyu 24:2

A ya uhohug hapa ni Hesus tekid a “Pake dayawan muy ya kapadday na simbaanin, ammi ibar ku tekamuy ta sa marabba sangaw ya batu na kiden abat ta awan pulus ta mesalnuk ta maski takday la na batu,” kunna tekid.

Markus 13:2

“Pake dayawan muy ya kapadday na ta ayanin simbaanin, ammi ya ibar ku tekamuy a sa marabba sangaw ya ngamin bali in yan abat ta awan pulus ta mesalnuk ta maski takday la na batu,” kunna.

Lukas 1:68

“Madaydayawan ya Namaratu ewan nga Dafu na Istralita kiden, te nanonot na ya tolay na kiden nga nagtalekudan na ta idi, petta ikerutan na kid ta zigat da.

Lukas 1:78

A gafu ta allak na Namaratu tam, ikid na idduk na tekitam, a palattogan na ya dakar na tekitam nga nagafu ta langit.

Lukas 19:42

“Ampade amu muy mina ya mangatad ta kappyanan muy, ammi gagangay ta awemuy manonot,

Lukas 21:6

A ya uhohug ni Hesus tekid a “Kakurugan ya ibar ku tekamuy ta sa marabba sangaw ya ngamin bali in yan abat ta awan pulus ta mesalnuk ta maski takday la na batu,” kunna.

1 Pedru 2:12

A mappya ta ipaita muy hapa ya ispot ta atubang na awan kiden mangurug, te maski am angarigan ta padpadulayan da kam gafu ta awemuy megitta tekid a maita da hala ya pagkappyanan na agangwa muy. A am kanu sangaw ya panghukāl na Namaratu ta nonot da a mabalin ta magbabawi kid, petta mangurug kid hapa tentu.