Lukas 18:42 - Uhohug na Namaratu gafu te Hesus Kristu

⁴² “Ara on, makaita kan mantu, te nagmappya kan gafu ta pangikatalak mu teyak,” kun ni Hesus tentu.

Lukas 18:42 Iomraidhean Croise

Matyu 15:28

A gafu ta uhohug na babbayen a “Kakurugan ta masikan ya pangikatalak mu, Aboy, magdulot hala ya kuman na inadang mu teyak,” kun ni Hesus tentu. A ye-yen hala na oras ya nepagmappya na anak na en.

Matyu 8:3

A ya uhohug ni Hesus ta nepangisi-ged na ta lalaki en, a “Ikayat ku hapa, a itam awa malinis na ya tabbit mina,” kunna. A ka-ma la imawan ya galis na en.

Matyu 9:22

A ta nepakkamu ni Hesus ta itta ya nangsi-ged ta barawasi na a nagbalittag hapa, a “Matalak ka la, Aboy, te ya pangikatalak mu teyak ya nagmappyam,” kunna. A ye-yen hapa na oras ya nepagmappya na.

Lukas 17:19

A ya uhohug na hapa ta lalaki en nagtoli a “Magtayuk kan, a magdulot kan, te nagmappya kan gafu ta pangikatalak mu teyak,” kunna.

Lukas 18:41

“Anu hapa ya pakkwam teyak?” kunna tentu. “Ay, Afu, ipaitak teko ya awekin pakaita,” kunna hapa.

Lukas 7:50

A ya uhohug para ni Hesus ta babbayen a “Nekerutan kan, Aboy, gafu ta pangikatalak mu teyak. Dumatang kan la ta bali, a Namaratu ya makkamu teko,” kunna.

Lukas 8:48

“Mappya, Aboy, te nekatalak nak, te yen ya nagmappyam. Dumatang kan la ta bali, a awem la sangaw magburung,” kunna.