Lukas 17:5 - Uhohug na Namaratu gafu te Hesus Kristu

⁵ A ya uhohug hapa na turin na kiden nga mafulu duwa a “Mappya, Afu, ta padakalam ya pangurug mi ta Namaratu, te kuman na assang,” kunda.

Lukas 17:5 Iomraidhean Croise

Markus 6:30

A sangaw ta pagtoli na turin kiden ni Hesus nga dinob na ange mangipadangag, a binida da tentu ya ngamin tinarabaku da ikid na netuldu da.

Markus 9:24

“Ay, ikatalak ta ka, Afu, pagustum haen ya pagkurangan na pangikatalak ku,” kunna hapa nagtangit.

Lukas 7:13

A ta nepakaita ni Hesus ta nabalu en a maallakan hapa tentu, a “Awem la magtangit, Ina,” kunna tentu,

Lukas 7:19

A yen ta dinob ni Hwan ya duwa na ituldu na petta ange kid magpohut te Hesus. A ya nebar na tekid a “Damagan muy am intu hala ya Mangikerutanen nga nekari na Namaratu ewan ono mappya ta magindag kami ta takwan,” kun ni Hwan tekid, a umange kid.

Pilipos 4:13

te makkwak la ngamin gafu ta pangpasikan ni Afu Hesus teyak.

2 Tesalonika 1:3

A pake matalak kami ta Namaratu gafu tekamuy, kahkahulun, te pake dumakal para ya pangurug muy ta Namaratu gafu ta tarabaku na en ta nonot muy, a kumanen hapa ta pagkaid-idduk muy. A yen ta sigida ibosag mi hapa ya talak mi tentu, te kuman na gatut mi tentu ta mappya.

Hebreyu 12:2

A gafu te Hesus ya mangiunnan ikid na mangibalin ta pangurug tam a awetam mantu ilipay ya mata na nonot tam ta takwan, te iita tam hud la tentu, petta intu hapa ya maparigan tam, te malogon la nagattam ta zigat na krus, ikid na keamamat na ta pagpaappa da en tentu, te itta ya nekatalak na ta matolay hala sangaw. A yen ta imatogkok na ta kanawan na Namaratu ewan nga makipagturay tentu.