Lukas 10:28 - Uhohug na Namaratu gafu te Hesus Kristu

²⁸ “A kustu kad ya tabbag mina, te am yen kid ya tarabakum a matolay ka hala sangaw,” kunna hapa ni Hesus tentu.

Lukas 10:28 Iomraidhean Croise

Matyu 19:17

Ammi ya tabbag ni Hesus tentu a “Anu haman ta iyak ya pangpohutam ta mappya na tarabaku, te tatakday la ya makkamu ta mappya. A am ikayat mu maatadan ta magnayun na angat a mappya ta kurugam ya lintig na kiden,” kunna hapa.

Markus 12:34

A ya uhohug hapa ni Hesus tentu gafu ta mappya ya inuhohug na a “Kakurugan ta assang na la ya awena pakatolay teko na Namaratu,” kun ni Hesus tentu. A yen hapa ya abat na pagpohut da tentu, te mamat kid na.

Lukas 7:43

A ya tabbag hapa ni Simon a “Ya dakdakalen de ta gatut ya pake matalak tentu,” kunna hapa. “A kustu kad ya tabbag mina,” kun ni Hesus tentu.

Roma 10:4

Ammi awan na haman ta serbi na lintigen nga ikatalak da, te ya pasi ni Hesusen ya addet na, a intun mina ya ikatalak da, petta mekwenta kid ta matunung gafu ta pangikatalak da tentu.

Roma 3:19

A yen kid na uhohug ya pagnonotan tam mina, te am anu ya inuhohug na Namaratu ta isin kid na surat a nebar na haman ta Hudyo kiden, petta awan sangaw ta mauhohug da ta razon da, te ikid haman ya inatadan na ta lintig na en ta palungu. A mepasikkal mantu ta sa nakaliwat ya ngamin tolay ta ngaminin paglelehut, petta sa medarum kitam mina ta atubang na Namaratu ewan.

Roma 7:10

A ya neatad mantu na Namaratu nga mangikari ta pagtolayan tam a yen haman ya mangipasikkal ta pasi na kahalwak.

Galasya 3:12

A ya usut mangidulot ta lintig na en petta matunung a awan ta ikatalak na am awa agangwa na la. Ammi nonotan na mina ya takday uhohug na en nga, “Idulot muy la ya ngamin lintig ku nga neatad ku tekamuy, a matolay kam sangaw,” kunna.