Lukas 1:49 - Uhohug na Namaratu gafu te Hesus Kristu

⁴⁹ Te ya Namaratu ewan nga seppakapangwa na Dyos a nekallak nak hala ta dakal na bendisyon. Madaydayawan mantu ya Dafu tamewan,

Lukas 1:49 Iomraidhean Croise

Markus 5:13

“E kanan mantu,” kun ni Hesus ta anitu kiden, a nagtugutan da ya lalaki en, kapye da simarok ta bahuy kiden, a ka-ma la nagadukal ya bahuy kiden bumilag, a sa nagurdak kid ta gatab na bagetayen, kapye da nagkahunnak ta alugen. Dwaribu kid, a sa nagkalimat kid ta danumen.

Lukas 1:48

te maski pobre yak a pinili nak. A ta ngamin kiden tolay nga meanak sangaw, a awan sangaw ta awa makanonot ta iyak ya nagāsāt ta bendisyon na Dyos.

Lukas 1:50

te ikallak na ikallak ya ngamin mamat tentu, a kumanen hapa ta simsima da kiden.

Efeso 3:20

Ampade intu mina ikid ni Afu Hesus ya kanayun madaydayawan addet ta addet gafu tekitam nga iglesya na en. Te maski am anu ya manonot tam ta adangan tam tentu a mabalin ta pake surokan na para gafu ta pakapangwa na en nga mangpasikan tekitam.

Nagmatakar 15:4

A inya hud para ya awan magtalaw ikid na magdayaw teko, Afu, bakawa iko la ya mappya. A sa ange sangaw teko ya tolay taga ngamin kiden lugar, petta dayawan da ka, Afu, te naita da ya kappya na ngamin kiden tinarabakum,” kun na kansyon da.

Nagmatakar 4:8

Ammi sepayak kid ngamin, te tagannam kid hapa ta payak. A addu hapa ya mata da maski ta sirat na payak da. A aweda haman magimmang magkakansyon ta araw pase hiklam; “Mangilin la mangilin ya Dafu tamin Namaratu nga makapangwa ta ngamin. Intu la ya Dyos ta idi, a intu hala ta ayanin, a intu hala sangaw ya umange,” kunna kansyon da.