Hwan 9:17 - Uhohug na Namaratu gafu te Hesus Kristu

¹⁷ A gafu ta kumanen a pinohutan da ha ta lalaki en. “Iko haman ya pinaladdang na ta mata, anu mantu ya uray mu tentu?” kunda. “A talaga ta paguhohugan na Namaratu,” kunna.

Hwan 9:17 Iomraidhean Croise

Matyu 21:11

“A i Hesus yan, ya aglavunen taga Nasaret ta iten Galileya,” kunna hapa na tolay kiden nga nakihulun te Hesus.

Lukas 24:19

“Anu hud ya iningwa da?” kunna hapa na tolayen tekid. “A ya iningwa da en te Hesus nga taga Nasaret,” kunda ha, “te amu haman na Namaratu ikid na ngamin tolay ta intu ya kasikanan na aglavun, te masikan ya ngamin tarabaku na ikid na uhohug na.

Hwan 4:19

A gafu ta nagpaka-lat ya babbayen ta uhohug ni Hesus a takwan ha ya nebar na; “Ser, ya kuman na mariknak teko a iko hala ya takday aglavun nga paguhohugan na Namaratu ewan.

Hwan 6:14

A ta nepakaita na tolay kiden ta pakapangwa ni Hesusen a “Talaga ta ye-yan na tolay ya kinan da en aglavun na Namaratu nga ange kan ta lutakin,” kun na kadwan kiden tekid.

Hwan 9:15

te imbestigaran da am had kukun na nepakaladdang na mata na kiden. A ya uhohug na en tekid a “Nedirkat na ya fuyak ta matak kiden, kapyek umange nagamwas, a ta ayanin a makaita yak na,” kunna tekid.

Turin Kiden 10:38

A sangaw dumagdag hapa i Hesusen nga taga ili na Nasaret ta iten Galileya, a pinasinapan na hapa na Namaratu ta pakapangwa na Kahalwa na en. A sinaned na hapa ya ngamin kiden lugar na Hudyo kiden, a mappya la ya ngamin tarabaku na ten, te pinagmappya na ya ngamin tolay nga pinagzigat ni Satanas, gafu ta itta ya Namaratu tentu.

Turin Kiden 2:22

“A dangagan muy mantu, kahkahulun, ya ibar ku para tekamuy, te ya lalaki en Hesus nga taga Nasaret, a nepasikkal na ta intu hala ya dinob na Namaratu ewan, te dana amu muy haman ya ngamin kiden iningwa na ta atubang tam nga nagpaka-latan tam ikid na nakaitan tam ta pakapangwa na en, a yen kid ya mangipasikkal ta itta ya Namaratu tentu.