Hwan 6:66 - Uhohug na Namaratu gafu te Hesus Kristu

⁶⁶ A gafu ta kumanen a nagtalekud na ya addu na dumagdag kiden tentu, te awedan nakihulun tentu.

Hwan 6:66 Iomraidhean Croise

Matyu 19:22

Ammi ta pakadangag na lalaki en ta inuhohug ni Hesus tentu a nagtugut hapa nagdamdam, te pake addu ya kwa na.

Lukas 9:62

A ya tabbag hapa ni Hesus tentu a “Am namegafu kan nagaradu otturu magsagalipay ka ta gafam a awem megitta ta iturayan na Namaratu,” kunna.

Hwan 2:2

a sangaw nagawi hapa ig Hesus ikid na ituldu na kiden ta boda en.

Hwan 6:60

A ya tolay kiden nga dumagdag te Hesus ikid na nakadangag ta netuldu na en a addu tekid ya malussaw ta bida na en. “Kuga mazigat ye-yan na bida. Itta hud ya mayat magdangag ta kumanin?” kunda.

Hwan 6:64

Ammi ya kadwan kiden tekamuy a awemuy kurugan ya inuhohug ku tekamuy. A yen ta nebar ku tekamuy ta awan sangaw ta makaange teyak am awena uffunan ni Damakewan,” kunna. A yen ya nebar na tekid, te addet ta nepamegafu da en nga dumagdag tentu a dana amu na ya awan kiden mangurug tentu, ikid na am inya sangaw ya mangitalaba tentu.

Hwan 8:31

Ammi ya uhohug ni Hesus ta mangurug kiden tentu nga Hudyo a “Am pake itug muy ya uhohug ku tekamuy a megitta kam sangaw ta kakurugan na metuldu nga awan mangilogot.

2 Timotyo 1:15

A dana amum ya iningwa na kahulun ku kiden ta isin Asya ta sa nagtalekudan dak teyaken nabalud. A nehulun hapa tekid ig Figelu ikid ni Hermogines.

2 Timotyo 4:10

te nagtugutan nak ni Demasen, a umange ta ili na Tesalonika, te intu la nonotan na ya kappya na bari na en ta katolay na in yan. A awan hapa i Kresenti te immange ta iten Galasya, a i Tito hapa ya immange ta lugar na Dalmasya.

Hebreyu 10:38

A yen sangaw ya matolay ya ikwentak ta matunung gafu ta pangikatalak na teyak. Ammi am itta ya magtalekud ta nekatalak na en a awek na sangaw pakolangan,” kunna hapa na Namaratu.

1 Hwan 2:19

Ikid paen ya nakikahulun tekitam ta idi, ammi nakigungay kid na. A yen ta aweda nagdanang tekitam te aweda negitta tekitam. Te am kagitta tam kid mina a nagyan kid mina tekitam, ammi gafu ta nakigungay kid na a yen ya pakkamu tam ta awetam kid kahulun.