Hwan 6:43 - Uhohug na Namaratu gafu te Hesus Kristu

⁴³ Ammi ya uhohug ni Hesus tekid a “Awemuy mina magintabtabbag gafu ta inuhohug ken,

Hwan 6:43 Iomraidhean Croise

Matyu 16:8

Ammi ta nepakarikna ni Hesus ta bida da a “Anu kuga pagbabidan muy ya kawan na kanan tam? Kuman na awemuy maawatan ya inuhohug ken, yaga assang la ya pangikatalak muy, te naliwatan muy de ya lima kiden pan nga nakabattugan na limaribu kiden, ikid na pitu kiden pan nga nakabattugan na appataribu kiden? A naliwatan muy hapa de am piga na la-ba ya nauknud muy ta nekabalin na limaribu kiden ikid na appataribu kiden?

Markus 9:33

A ta nekabalin da ten a nagdulot kid ta ili na Kapernayum. A tekid na gimon ta bali a pinohutan ni Hesus tekid am anu ya nagbabidan da ta dalan.

Hwan 16:19

A narikna ni Hesus ta ikayat da pohutan tentu, a dana nebar na tekid. “Anu? Magimpopohutan kanan de gafu ta uhohug ken tekamuy ta ‘Mangananwan la a awetam sangaw magkait-ita?’ ikid na ‘Awek pake mabayag kapyek ha makipaita tekamuy’?

Hwan 6:42

“Bakkan hud te Hesus yan nga anak ni Hose en? Amu tam haman ya dama na ikid na hina na, a had kukunna mantu nagafu ta langit?” kunda.

Hwan 6:44

te maski am anu ya uray muy awan ta makaange teyak am awena gamidan ni Damakewan nga nangidob teyak. A iyak hapa sangaw ya mangtolay tentu ta pagaddetan na arawin yan.

Hwan 6:64

Ammi ya kadwan kiden tekamuy a awemuy kurugan ya inuhohug ku tekamuy. A yen ta nebar ku tekamuy ta awan sangaw ta makaange teyak am awena uffunan ni Damakewan,” kunna. A yen ya nebar na tekid, te addet ta nepamegafu da en nga dumagdag tentu a dana amu na ya awan kiden mangurug tentu, ikid na am inya sangaw ya mangitalaba tentu.

Hebreyu 4:13

te awan ta melemad tam ta Namaratu am awa umapārān ya ngamin kasasaad na pinaratu na kiden. A intu sangaw ya mangita tekitam am kustu ya tinarabaku tam.