Hwan 4:29 - Uhohug na Namaratu gafu te Hesus Kristu

²⁹ “E kanan sin, e kanan sin, te emmuy itan ya tolay nga nangibar ta ngamin kiden iningwak. Intu de ya Mangikerutanen nga linavun na popolu kiden aglavun,” kunna.

Hwan 4:29 Iomraidhean Croise

Matyu 12:23

A ya tolay kiden nga naggihaw a pake nepagpaka-lat da ya iningwa ni Hesus. “Mabalin de ta intu ya nebar da en nga simsima ni mina Dabid nga itun na Namaratu ta pinakadama tam,” kunda.

Hwan 4:25

A ya uhohug na babbayen hapa a “Intu la amuk ta ange sangaw ya kinan da en Kristu Mangikerutan, a intu sangaw ya mangipakamu ta ngamin tekitam,” kunna.

Hwan 4:28

A yen hapa ya nepangiwagak na babbayen ta kalamba na en nga netabnak ta huhunen, te alistu nagtoli ta umag na ili, a nagayayag na ta tolay kiden.

Hwan 4:30

A matutunudan kid na mantu imuhet ta ili en nga dumadayum te Hesus.

Hwan 4:39

A ya Samariyano kiden nga taga ili na Sikar a addu kid hapa nangurug te Hesus gafu ta bida na babbayen, te, “Nebar na haman teyak ya ngamin kiden iningwak,” kunna tekid.

Hwan 7:26

“Ammi itan muy awa itta in magbida ta tolay kidin, a awena haman magtalaw, yaga aweda hapa pakidibatin na pinakadakal tam kiden. Nelasin dan de ta intu hala ya Mangikerutan nga ange kan tekitam?” kunda hapa.

Hwan 7:31

Ammi ta kadwan kiden tolay nga nakadangag tentu a addu hapa ya nangurug ta intu hala ya Mangikerutan nga dana nebar na Namaratu, te ya uhohug da a “Talaga ta intu hala ya Mangikerutanen, te am bakkan, a awan mina ta pakapangwa na ta kuman na nepaita na tekitam,” kunda.

Nagmatakar 22:17

“E kanan sin,” kun na Kahalwa na Namaratu, “E kanan sin,” kunna hapa na atawa na Kalneru en, “E kanan sin,” kunna hapa na ngamin nakadangag. Te maski am inya ya makainum, ikid na kompormi ya mayat, a ange mina uminum ta danumen mangtolay te awan ta paga na.