Hwan 21:24 - Uhohug na Namaratu gafu te Hesus Kristu

²⁴ A iyak hala ya ituldu ni Hesus nga nagsurat ta isin na surat, te iyak hala ya nangipasikkal ta tarabaku na en. A amu na ngamin tolay sin ta kakurugan ya nepasikkal ku tekid.

Hwan 21:24 Iomraidhean Croise

Hwan 15:27

Ammi ikamuy para ya mangipasikkal, te dana nehulun kam teyak addet ta nepamegafu tamen.

Hwan 19:35

A uray na Namaratu hapa ye-yen, petta magdulot ya nesurat ta Bibliya en ta “Awan sangaw ta mapakka ta tulang na kiden,” kunna. Kumanen hapa ta takday para nesurat, te ya uhohug na a, “Tangadan da sangaw ya kinaddug da en,” kunna. A ya pake nakaita ya nangisurat hapa ta isin, petta kurugan muy. A kakurugan hapa ya ipasikkal ku tekamuy, te amuk ta pake nakkwa ya bidan ku tekamuy.

1 Hwan 5:6

I Hesusen ya mepasikkal nga Mangikerutan tekitam gafu ta danum ikid na daga, te nesagapil na ya bari na tekitam ta pagzigut na en ta danum, a kumanen hapa ta nepagarut na daga na en. A bakkan mantu la ta pagzigut na en ya nangipasikkal tentu am awa pasi na en hapa.

3 Hwan 1:12

I Dimitriyu ya pake dayawan na ngamin tolay, te pake dagdagan na hapa ya kakurugan nga kurugan tam. A maski iyak hapa ya mangipasikkal ta kappya na nonot na, a amum ta awek mina bidan am awek amu ta kustu.