Hwan 20:18 - Uhohug na Namaratu gafu te Hesus Kristu

¹⁸ A ta nepagtugut ni Mariya en a enna nebar ya katolay ni Hesus ta ituldu na kiden. “Naitak kad na ya Dafu tamen O, ikamuy,” kunna tekid, yaga nebar na hapa ya inuhohug ni Hesus tentu.

Hwan 20:18 Iomraidhean Croise

Matyu 27:56

A nehulun hapa tekid i Mariya Magdalena, ikid ni Mariya nga hina nig Santiago ikid ni Hose, ikid na atawa ni Zibadeyu.

Matyu 28:10

“Awemuy la magtalaw, te emmuy ibar ta kabagis ku kiden ta e kid mina ta iten Galileya, te maita dak sangaw ten,” kunna hapa tekid.

Lukas 24:10

I Mariya taga Magdala, ikid ni Yohana, ikid ni Mariya nga hina ni Santiago, ikid na kadwan kiden sakā bābāy da, a yen kid ya umange nangibar ta turin kiden.

Hwan 19:25

Ammi ta pagbabingay na suddalu kiden a umatayuk hapa ya appat na babay ta bikat na nagappan ni Hesus. Itta ya hina ni Hesus, ikid na kabagis na en, ikid ni Mariya nga atawa ni Klopas, ikid ni Mariya nga taga Magdala.

Hwan 20:1

A sangaw ta lalakwat ta Liggu a umange i Mariya taga Magdala ta tanam na en ta magkahkahawan para la. Ammi datang na ten a naita na ta naukadan na, te naazin ya batu en nga nemunit da ta sasarokan na en.