Hwan 2:7 - Uhohug na Namaratu gafu te Hesus Kristu

⁷ A ya uhohug ni Hesus ta tagabu kiden a “Pannun muy ya angāng kidina ta danum,” kunna, a pinannu da kid abat ta bibig da.

Hwan 2:7 Iomraidhean Croise

Hwan 2:3

A ta nekaafut na inuman na nakibodan kiden a umange ya hina ni Hesus tentu, a nebar na, “Aleng, manguffun ka haen, te awan na ta inuman da nga binarayang,” kunna.

Hwan 2:5

A gafu ta kumanen umange maguhohug i hina na en ta tagabu kiden nga mangiparan ta kanan, “Am itta ya ibar na sangaw tekamuy a kwan muy la,” kunna tekid.

Hwan 2:6

A dana netabnak da ten ya annam na angāng nga magserbi ta Hudyo kiden ta pangbaggaw da. A ya makarga na tagtakday a dwafulu na galon, ammi ta kadwan a tallufulu na galon.

Hwan 2:8

“Aran, takday tekamuy ya magsiruk, te em bit pakakkap ta dafu na boda in,” kunna ha ni Hesus. A ta nepagsiruk na takday a enna nepakakkap.