Hwan 2:24 - Uhohug na Namaratu gafu te Hesus Kristu

²⁴ Ammi te Hesus, a awena nekatalak ya nangurug tentu, te dana amu na ya nonot da.

Hwan 2:24 Iomraidhean Croise

Matyu 9:4

Ammi narikna ni Hesus ya nonot da, a “Anu haman ta libakan muy ya inuhohug ken?

Markus 2:8

Ammi narikna ni Hesus ya nonot da, a “Anu haman ta libakan muy ya inuhohug ken?

Hwan 1:42

A enna mantu netulud i Simon ta agyan ni Hesus. A pake aitan na bit ni Hesus kapye na kinabida. “Iko mantu i Simon nga anak ni Hwan, ammi magngagan ka sangaw te Sepas,” kunna. (A ya ngagan na en Sepas a intu hala Pedru ta aguhohug na Giregu, ammi ya ikayat na uhohugan tekitam a “Batu”.)

Hwan 16:30

A ayanin para la ya pakkamu mi ta maski am awan ta mangibar teko a dana amum ya ikayat na pohutan teko. Yen mantu ya pangurugan min ta Namaratu hala ya nagafum,” kunda.

Hwan 21:17

A sangaw nepamillu na ha ya nebar na en. “Simon, kurug mantu ta ikayat nak?” kunna. A nagdamdam na i Pedru gafu ta mekatallu en nebar ni Hesus tentu, te “Kurug mantu ta ikayat nak?” kunna. A ya tabbag na en tentu “Ay, Afu, iko ya makkamu ta ngamin, a amum ta ikayat ta ka,” kunna. A ya uhohug ni Hesus tentu a “Makkamu kan mantu ta kalneruk kiden.

Hwan 4:16

“A em bit ayagan ya atawamen, te dumatang kanan sangaw ta isin,” kunna hapa ni Hesus.

Hwan 5:42

ammi amuk ya awemuy pangurug teyak, a te awemuy iddukan ya Namaratu.

Hwan 6:15

A narikna ni Hesus ta tanagay enda gafutan, petta pagbalinan da ta ari da, a yen ta nagtugutan na kid, a nagtoli tatakday ta utun na bagetayen.

Hwan 6:64

Ammi ya kadwan kiden tekamuy a awemuy kurugan ya inuhohug ku tekamuy. A yen ta nebar ku tekamuy ta awan sangaw ta makaange teyak am awena uffunan ni Damakewan,” kunna. A yen ya nebar na tekid, te addet ta nepamegafu da en nga dumagdag tentu a dana amu na ya awan kiden mangurug tentu, ikid na am inya sangaw ya mangitalaba tentu.

Turin Kiden 1:24

A sangaw nakimallak kid; “Ay Afu, amum ta nagtalekudan ni Hudas ya saad na en, a ittan ta lugaren nga dana neparam tentu. A gafu ta iko la ya makkamu ta nonot na ngamin tolay a ituldum mantu tekami am inya ya pinilim ta duwa kidin,

Turin Kiden 15:8

A gafu ta intu ya makkamu ta nonot na ngamin tolay a nepaita na ya pangikayat na ta Hentil kiden, te pinasinapan na kid hapa ta Kahalwa na en ta kuman na iningwa na tekitam Hudyo.

Hebreyu 4:13

te awan ta melemad tam ta Namaratu am awa umapārān ya ngamin kasasaad na pinaratu na kiden. A intu sangaw ya mangita tekitam am kustu ya tinarabaku tam.

Nagmatakar 2:23

a sa papasin ku sangaw ya dumagdag kidina tentu, petta yen sangaw ya pagnonotan na iglesya kiden ta iyak ya makaita ta nonot na tolay, a iyak hapa sangaw ya mangatad ta tagtakday tekamuy ta kagitta na tarabaku muy.