Hwan 19:3 - Uhohug na Namaratu gafu te Hesus Kristu

³ A sangaw natubtubbat kid nangatubang nga nagdayaw kampon tentu. “Ihi, kuga malalaki ya Ari na Hudyo kiden,” kun na dayaw da, kapye da hapa linaplappag.

Hwan 19:3 Iomraidhean Croise

Matyu 26:49

A gafu ta kumanen a nagdaretyo i Hudas te Hesus a “Itta yak O, Afu,” kunna tentu, kapye na inamu.

Matyu 27:29

A sangaw nangwa kid hapa ta sangngat na sit kapye da nesangngat ta ulu na en, yaga nepaibbal da tentu ya kulang na biraw petta kuman na baston na. A namalentud kid na ta atubang na en ta pamābānglu da tentu, a “Ihi, malalaki ya Ari na Hudyo kiden,” kun na kampon na dayaw da tentu.

Markus 15:18

A sangaw daydayawan da kampon ta “Ihi, malalaki ya Ari na Hudyo kiden,” kunda.

Lukas 1:28

A tentu en nakipaita te Mariya a “Namaratu ya makkamu teko, Aboy, a itta hapa ya pangdayawan na teko, te iko ya pinili na,” kunna tentu.

Hwan 18:22

Ammi ta nepagtabbag na ta kumanen a enna linappag na takdayen polis nga umatayuk ta bikat na en. “Kunna hud sina ya itabbag mu ta kadakalan na padi?” kunna tentu.

Hwan 18:33

A gafu ta kumanen a nagtoli i Pilato ta umag na bali na en, a pinaayagan na hapa i Hesus. “Anu? Ipadangag mu hud ta iko ya Ari na Hudyo kiden?” kunna tentu.