Hwan 19:15 - Uhohug na Namaratu gafu te Hesus Kristu

¹⁵ “Atsi, itugut mun, itugut mun, te pagappam na ta kayu en,” kunna ha na pagaggay da. “Ikayat muy hud ta pagappan mi ya ari muy?” kunna ha tekid. A ya tabbag na pinakadakal da kiden nga padi a “Awan ta ari mi am awa Sisar,” kunda.

Hwan 19:15 Iomraidhean Croise

Matyu 22:17

A dangagan mi haen teko am ipalubus na lintig ni Moses ya pagpaga tam ta bwis ta Ari na taga Roma kiden,” kunda.

Lukas 23:18

ammi bakkan te Hesus ya ikayat da. “Papasim yana, te Barabas mina ya pohetam,” kunda,

Hwan 18:31

“Ay on, a alapan muy la mantu, te ikamuy na hapa la ya mangpa-gang tentu ta kuman na ibar na lintig muy kiden,” kunna hapa na Gubernadoren tekid. Ammi ya tabbag da hapa a “Mappya ta ikamuy, te ihangat na kami na gubyernu nga mamapasi ta makaliwat,” kunda ha.

Hwan 19:6

A ta nepakaita na pinakadakal da kiden tentu a giaggayan kid ha. “Pagappam na ta kayu en, pagappam na ta kayu en,” kun na aggay da. “Alapan muy mantu, te ikamuy na ya magpaappa tentu, ammi ikamuy hala sangaw ya makaliwat, te awan ta amuk ta liwat na,” kun ni Pilato tekid.

Turin Kiden 13:28

Te maski awan haman ta napasikkal da ta liwat ni Hesus a nepapilit da hala ya pasi na te Gubernador Pilato.

Turin Kiden 21:36

te dumadagdag kid hapa nga magayayag ta “Papasin muy, papasin muy,” pakakin kid na.

Turin Kiden 22:22

A mayat kid nagdangag te Pablu addet ta nebar na ya Hentil kiden, a yen ya nagporayan da tentu, a giaggayan kid na. “Papasin muy yanan, te dulay na tolay,” kun na aggay da,