Hwan 13:22 - Uhohug na Namaratu gafu te Hesus Kristu

²² A gingit-ita la ya ituldu na kiden, te aweda amu am inya tekid ya ikayat na uhohugan.

Hwan 13:22 Iomraidhean Croise

Matyu 26:21

A tekid para la nagkakan a naguhohug hapa i Hesus. “Kakurugan ta itta tekamuy ya mangitalaba sangaw teyak,” kunna.

Matyu 26:22

A gafu ta nebar na en a nagdadamdam kid na, a ya tagtakday kid hapa ya nagpohut tentu, “Iyak hud ya kinamen, Afu?” kun na tagtakday tekid.

Markus 14:18

A tekid para la nagkakan a naguhohug i Hesus tekid. “Kakurugan ta takday tekamuy ya mangitalaba sangaw teyak,” kunna tekid.

Markus 14:19

A nagdamdam kid na hapa ta nebar na en, a ya tagtakday kid hapa ya nagpohut tentu; “Iyak hud ya kinamen, Afu?” kunda.

Lukas 22:21

A itta hapa ta lamesa in ya mangitalaba sangaw teyak,

Lukas 22:23

A nagimpopohutan da hapa am inya panaw tekid ya mangitalaba sangaw tentu.

Hwan 13:18

“Ammi itta hala ya takday tekamuy nga awan mesipat ta bidan ken tekamuy, a maski am intu ya takday nepadagdag ku a dana amuk ta takwan hala ya nonot na. Ammi mappya ta kunna ten petta magdulot hala sangaw teyak ya kuman na nesurat ta Bibliya, te ya uhohug na suraten a ‘Nekuyat nak na nakikkanan teyak,’ kunna.

Hwan 13:21

A ta nepakauhohug ni Hesus ta isin a nagkarbaw hapa, kapye na pake nepasikkal ya dumatang tentu. “Kakurugan hala ya ibar ku tekamuy ta takday sangaw tekamuy ya mangitalaba teyak,” kunna.