Hwan 12:21 - Uhohug na Namaratu gafu te Hesus Kristu

²¹ A gafu ta ikayat da hapa makkamu te Hesus a enda bit nebar te Felipe; “Ser, ikayat mi haen makibidan ta dafu muyen Hesus,” kunda te Felipe, te intu ya takday ituldu ni Hesus nga taga Betsayda ta lugar na Galileya.

Hwan 12:21 Iomraidhean Croise

Matyu 11:21

“Mapa-gang kam sangaw, ikamuy Hudyo nga taga Korazin ikid na Betsayda, te maski am naita muy ya tarabaku na Namaratu a awemuy haman nagbabawi ta pagliwat muy. Ammi am naita mina na Hentil kiden nga taga Tiro ikid na Sidon ya kuman na naita muy a nagbarawasi kid na hapa ta kustal gafu ta pagbabawi da.

Matyu 2:2

te pohutan da ta tolay kiden am had agyan na bagu en ari na Hudyo kiden “Te naita min ya lattog na bitwanen nga mangibar ta nekeanak na, a yen ta itta kamin sin te emmi hapa dayawan,” kunda.

Hwan 1:48

“Anu hud ya pakkamum teyak?” kunna hapa. “On, te ta awena para la nepagayag ni Felipe teko a dana naita ta ka ta balimen nga imatuttud ta addun na kayu na higos,” kunna ha ni Hesus.

Hwan 6:40

Te ya uray ni Damakewan ta ngamin kiden bumabilbig ta Anak na en ikid na mangikatalak tentu a maatadan kid sangaw ta magnayun na angat, te tolayan ku kid sangaw ta pagaddetan na arawin yan,” kunna.