Hwan 11:28 - Uhohug na Namaratu gafu te Hesus Kristu

²⁸ A ta kabalin na nepangtabbag na en a nagtoli ta bali na, a nagan-anisat ta kabagis na en Mariya. “Ittan ya Mistro en, a paayagan na ka hapa,” kunna tentu.

Hwan 11:28 Iomraidhean Croise

Matyu 26:18

“E kam ta ili ta bali na kofun ken, a ‘Dinob na kami na Mistro mi en,’ kummuy sangaw tentu, ‘te mangan kami kan ta pamurab mi ta Simana ta bali min, te abikan na ya pasi na,’ kummuy sangaw tentu,” kunna.

Markus 10:49

A nagtayuk hapa i Hesus a “Baran muy, petta ange hala sin,” kunna. A binaran da. “Awem la magburung, a imivwat kan, te paayagan na ka,” kunda tentu.

Markus 14:14

A sangaw am nakasarok kanan ta bali a ibar muy ta makābali en, ‘Dinob na kami ni Mistro, te itan mi kan ya lugar na panganan mi ta pamurab mi ta Simana in ta bali min,’ kummuy,

Lukas 22:11

‘Dinob na kami ni Mistro, te itan mi kan ya lugar na panganan mi ta pamurab mi ta Simana in,’ kummuy,

Hwan 1:41

A enna mantu inapag ni Andres. A ta nepakaapag na tentu a “O, Simon, ittan hala ya Messayasen nga dana nebar na Namaratu tekitam, te nesimmun min,” kunna. (Ya ikayat na uhohugan na “Messayas” nga kinan na, a “Mangikerutan”.)

Hwan 1:45

A sangaw enna inapag ni Felipe i Natanyel. “O Natanyel, ittan hala ya Messayasen nga binida nig mina Moses ta lintig na kiden ikid na aglavun kiden na Namaratu ta surat da kiden, te naita min. Intu hala i Hesus taga ili na Nasaret, a anak hapa ni Hose en,” kunna te Natanyel.

Hwan 10:3

te intu hapa la ya ihukat na maggwardya en ta irwangan. A mengahalan da hapa na kalneru na kiden, te am iuhet na kid a baran na kid ta ngagan da.

Hwan 11:20

A ta pakadangag ni Marta ta dumatang na hapa i Hesus a enna hapa dinafung, ammi nasirak hala i Mariya ta bali da en nga imatogkok.

Hwan 11:29

A alistu imikkat i Mariya, a umange hapa te Hesus.

Hwan 11:30

Ammi awena para la nakadulot ig Hesus ta agyan na babali kiden, te itta kid para la ta nangdafungan ni Marta tentu.

Hwan 13:13

Ikamuy nga itulduk a ingagan dak ta ‘Mistro,’ ikid na ‘Afu,’ a kustu hapa, te kakurugan haman.

Hwan 20:16

A “Mariya,” kunna ha ni Hesus tentu. A ta nepangngagan na ta babbayen a pake nagbalittag na nga gumafut tentu, a “Raboni, anu iko kad,” kunna, (te Raboni ya nangingaganan da ta mistro da).

Hwan 21:7

A yen ya nepakamu ni Hwan ta nagayagen tekid, a nebar na te Pedru. “Intu hala ya dafu tamen,” kunna. A gafu ta kumanen a alistu nagbarawasi i Pedru, te magge nauhagan, a nagsilattuk na ta danumen nga naglangoy tagad te Hesus.

1 Tesalonika 5:11

A yen ta awemuy mina magimmang magimpatpaturad ikid na magimpaspasikan ta pangurug muy.

Hebreyu 12:12

Mappya mantu, kahkahulun, ta awemuy magtabeng, te pasikanan muy ya pagkafuy muy.