Hwan 10:6 - Uhohug na Namaratu gafu te Hesus Kristu

⁶ Yen hala ya addet na keangarigan ni Hesus ta Hudyo kiden, ammi aweda nanonot am anu ya ikayat na uhohugan tekid.

Hwan 10:6 Iomraidhean Croise

Matyu 13:34

A ya gagangay mantu ni Hesus tentu en mangituldu ta addu na tolay a intu la binida na ya keangarigan, te awan ta netuldu na tekid am awa keangarigan la.

Matyu 13:51

A sangaw pinohutan ni Hesus ta ituldu na kiden am naawatan da ya ngamin binida na tekid, a “On,” kunda hapa.

Markus 4:34

A awan ta takwan na binida na tekid am bakkan ta keangarigan, ammi am ik-ikid la na ituldu na kiden a sa nepalawag na ya ngamin tekid.

Hwan 16:25

A ya uhohug para ni Hesus tekid a “Kuman na keangarigan ya nabidak tekamuy ta ayanin, ammi awek na sangaw maguhohug ta keangarigan, te pake ipadangag ku sangaw i Damakewan tekamuy petta malogon ya pakkamu muy.

Hwan 16:29

“Ay, nalawag kad na, Afu, ye-yen na inuhohug mun, te bakkan na ta keangarigan.

Hwan 6:52

A gafu ta uhohug ni Hesus a yen ya nagtatapilan na Hudyo kiden, te nagtatabbagan da am had kukunna iatad ya bari na tekid petta kanan da.

Hwan 6:60

A ya tolay kiden nga dumagdag te Hesus ikid na nakadangag ta netuldu na en a addu tekid ya malussaw ta bida na en. “Kuga mazigat ye-yan na bida. Itta hud ya mayat magdangag ta kumanin?” kunda.

Hwan 7:36

A ta kadwan para a “Anu hud ya ikayat na uhohugan ta apagan tam sangaw, ammi awe tam sangaw maapagan? A had kukun na uhohug na en ta awe tam makaange ta eyan na en?” kunda.

Hwan 8:27

Aweda naawatan ta intu nabida na tekid ya Dama na en nga nangidob tentu,

Hwan 8:43

Ammi awemuy garay maawatan ya ikayat ku uhohugan tekamuy, te awemuy ikayat dangagan ya ibar ku tekamuy.

1 Korinto 2:14

Ammi ya tolay kiden nga awan para la nauli ya nonot da a aweda kurugan ya ituldu na Kahalwa na Namaratu, te awan ta kwenta na tekid. A aweda hapa maawatan, te awena mabalin am awena iparikna na Kahalwa na Namaratu tekid.

2 Pedru 2:22

a nagdulot hala tekid ya kuman na bida na dadagkal kiden; “Kinān na atu ya neadwa na en, a ya bahuyen nazigut a umange ha nagtabur,” kunda.

1 Hwan 5:20

A amu tam para ta itta tekitam ya Anak na Namaratu, a pinagnonot na kitam petta amu tam ya kakurugan na Dyos. A itta kitanan ta kakurugan na Dyos, te itta kitanan ta Anak na en Hesus nga mangikerutan tekitam. A awan ta takwan na Dyos nga makeatad ta magnayun na angat am bakkan tentu.