Hebreyu 5:11 - Uhohug na Namaratu gafu te Hesus Kristu

¹¹ A addu para la mina ya ipasikkal ku tekamuy gafu te Melkisadeken, ammi mazigat melawlawag tekamuy, te kuman na nagbangngag kanan.

Hebreyu 5:11 Iomraidhean Croise

Matyu 13:15

A on te kuman na nagbanad na ya nonot muy, a awemuy pake ukadan ya bangbang muy ikid na mata muy petta awemuy pake makadangag ikid na makaita. A yen ta awemuy maawatan, ikid na awemuy magbabawi petta pagmappyan ta kam mina,’ kunna.

Markus 8:21

“Ay, awemuy para la de maawatan ya ikayat ken uhohugan tekamuy ta ‘Palanan muy mina ya beking na Pariseyu kiden ikid nig Herud?’” kunna.

Lukas 24:25

A ya uhohug hapa na tolayen tekid a, “Anu kuga makilavun kam? A anu hapa ya kabakka na nonot muy ta awemuy kurugan ya nesurat na aglavun kiden?

Hwan 16:12

“A addu para mina ya itulduk tekamuy, ammi awemuy para la metug ta ayanin.

Hwan 6:6

Ammi pangparuba na yen te Felipe, te dana nanonot na ya kwan na.

Turin Kiden 28:27

te nagtuyag haman ya nonot muy, a maningbangngag kam, a nagkigsap kam para gafu ta awemuy ikayat makaita ikid na magdangag ikid na magnonot. A yen ta awemuy magbabawi petta pagmappyan ta kam mina,’ kunna tekid. “A gafu ta parigan muy ya dadagkal muy kiden a

Hebreyu 5:10

te pinagbalin na Namaratu ta kadakalan na padi ta kuman na pagpadi ni Melkisadek ta idi.

Hebreyu 5:12

Gagangay ta ikamuy na mina ya mangituldu ta kadwan, te nabayag kanan haman nakadangag, ammi kuman na masapul muy para la ya mangituldu ha tekamuy ta imunnanen metuldu ta uhohug na Namaratu, te kuman na mapasusu kam para la, te awemuy para makan ya kuman na matuyag na kanan.

2 Pedru 3:16

te yen hapa ya bidan na ta ngamin kiden surat na. Ammi mazigat maawatan ya kadwan kiden bida na. A gafu ta aweda maawatan na aging-aamu kiden na tolay ikid na magbalabalittag ta nonot, a pagkilluyan da ya bida na kiden, a kumanen hapa ta kadwan kiden surat na Namaratu, ammi melogot kid hala sangaw te killu ya pangurug da.