1 Pedru 5:13 - Uhohug na Namaratu gafu te Hesus Kristu

¹³ A ya mangurug kidin ta isin na ili nga megitta ta dan na ili na Babilon, a makikumusta kid hapa takamuy, te kahulun muy kid hapa nga pinili na Namaratu. A makikumusta hapa ya anak kin Markus.

1 Pedru 5:13 Iomraidhean Croise

Turin Kiden 12:12

A ta pakarikna ni Pedru ta nakkwa tentu a umange ta bali ni Mariya nga hina ni Hwan Markus, ammi dana itta ten ya addu na tolay nga nagaammung makimallak.

Turin Kiden 12:25

A ig Barnabas ikid ni Salu nga umange mangisaned ta iuffun na mangurug kiden taga Antiyoka a nebalin da hapa ya pangisaned da. A sangaw inalap da i Hwan Markus ta kahulun da, kapye da nagtugut ta ili na Herusalem, te magtoli kid na ta ili na Antiyoka.

Turin Kiden 15:37

A mayat hapa i Barnabas, ammi ikayat na ta ihulun da i Hwan Markus.

Turin Kiden 15:39

A gafu ta awena nagdadagga na nonot da a pake nefulot ya pagkatabtabbag da, a yen ta naggungay kid na. A nehulun mantu i Hwan te Barnabas, a naglugan kid ta selayag ta fugu na Sipre.

Kolosas 4:10

A makikumusta hapa tekamuy i Aristarku nga sakā balud kin, ikid ni Markus nga kasinsin ni Barnabasen, ikid ni Hesusen nga nengagan ta Husto. A dana nesurat kun tekamuy ya tabarang ken gafu te Markus, a am dumatang sangaw tekamuy a pagdulotan muy la. A ya tallu kidin la ya sakā Hudyok kidin nga makipaguffun teyak ta tarabakukin nga mangituldu ta pangikerutan na Namaratu ewan, a dakal hapa ya talak ku tekid.

Pilimon 1:24

Magpakumusta hapa ya kauffunan ku kiden, ig Markus, ikid ni Aristarku, ikid ni Demas, ikid ni Lukas.

2 Hwan 1:1

Ya nagsurat tekamuy, kahkahulun, a iyakin nga laklakay na pastor. A nagsuratak tekamuy kontodu ānāk muy kidina nga iddukan ku ta kakurugan na idduk. Ammi bakkan la ta iyak ya mangidduk tekamuy, am awa ngamin kiden makkamu ta kakurugan nga nepadangag ni Hesus Kristu tekitam.

2 Hwan 1:13

Makikumusta hapa ya kagitta muy kidin mangurug ta isin. A yen la ya addet na.

Nagmatakar 17:5

A nesurat hapa ya ngagan na babbayen ta mukat na en: BABILONYA KADAKALAN IKID NA HINA NA NGAMIN MAKIKADALLAW IKID NA MAMADDAY TA NGAMIN DULAY Ammi melemad ya ikayat na uhohugan na ngagan na kiden.

Nagmatakar 18:2

A sangaw a nagayag ta masikan: “Awan na, awan na ya Ili na Babilonya nga kadakalan na ili. Te nagbalin na ta pagyanan na anitu kiden, ikid na ngamin kiden espiritu nga dulay, ikid na mamanuk nga magkan ta bilsag na nasi.