(Carta de San Pablo a Tito) 1:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ nuna yamai ni dutikatnuji tsawan jegau asamtai, ni chichamen iwainake, Apajuí iina Uwemtijamna nu mina etsegtugkata tusa idaitugsauwa nuna.

(Carta de San Pablo a Tito) 1:3 Iomraidhean Croise

(Isaías) 45:15

Amek dekas wainmainchauwaitme, tuja ametme Israel aents aidau ayamjukam uwemtiknumek.

(Isaías) 45:21

Tuja wainka apajuímtai dakumka najanamu emematjum dusha pegkejash aniajum nunú pempeentunikjum ininistajum. ¿Yaita juju waji aidau nagkaemagtinun pachis emtika etsegkaush? Makichik aentskesh juju waji nagkaemaina nuna pachis etsegkauk atsawai. Witjai Tuke Pujuuk juju waji nagkaemaina juniktinun yaunchuk emtikan etsegkaunuk. Tikich Apajuí mina nagkaetasuk makichkish atsawai. Apajuí pegkejam uwemtikagtinuk tikichik atsawai.

(Daniel) 9:24

“Amina pataim aidau Apajuín intimjukiag pegkegchaun takamsaju asag suwimkan jukiag waituina nunak, setenta semana waitu batsamtatui, tuja yaakat pegkejam tsaikbauwa dushakam nunisag setenta semana asatnai. Imanik waituinak anentaimtan jukiagtinai, tuja Apajuí dita tudaujinak tsagkujatnai, dutikamtai ima pegkeg takata nunú tuke atinai. Tuja Apajuí emematku ijuntai jegamkamunum tesaamu shiig pegkejam tutaya dushakam yaunchuk profeta aidau takasu aina iman shiig iwajamu atinai.

(Habacuc) 2:3

Nunú ame wainkattam duka juu tamawaikik nagkaemakchattawai, tujash amek waugtutsuk dakasta, nunú nagkaemaktinuk eke tsawan jegatsui. Tujash duka makichkish megkaetsuk tuké uminkattawai”, tujutmayi.

(Evangelio según San Marcos) 1:15

Nuniak: “Tsawantak yamaik uminkae, Apajuí inamjatnuk tikijuch wajasé; tudau idaikujum, yamajam chichama ju dekaskeapi titajum”, tiuwai.

(Evangelio según San Marcos) 13:10

Tujash dekatkauk yamajam chichama juka ashí nugkanum makí makichik chichaman chichaaku batsata nuish etsegkamu atinai.

(Evangelio según San Marcos) 16:15

Nuna tii chichajak: “Ashí nugkanum wetajum, nunikjum yamajam chichama ju ashí aents aidaunum etsegkatajum.

(Evangelio según San Lucas) 1:47

Mina wakanjuk shiig aneawai Apajuí mina uwemtijina nui,

(Los Hechos de los Apóstoles) 10:36

Apajuí Israel aidaun chichaman awetiuwai yamajam chicham shiig agkan pujutan Jesucristo etsegkauwa nuna, nigki ashí Apua nunú.

(Los Hechos de los Apóstoles) 17:26

Tuja makichik aentsua nuiyanak yujak ashí nugkanum batsamsatnume tiuwai. Dutika mamiktujui tsawantan tuja nugka dita batsamsatnunashkam;

(Carta de San Pablo a los Romanos) 15:19

Wakaní Pegkeji senchijin aents dutikmainchaunash iwainajan takaakun, Jerusalén nagkamsan ashí yantamnumash yamajam chichama junak etse etsegkawan Iliria nugkanmash Cristo pachisnuk etsejajai.

(Carta de San Pablo a los Romanos) 16:25

Apajuí emematiagmi, wi yamajam chichaman etsejag nuanuish, Jesucristo pachisan jintinkagtag nuig atumnash ebetmamjatnume tusa yaimpa nunú. Juka Apajuí tuke puju nugkash najannatsaig dutikatjai tusa anentaimtusbau dekaashbau aajakun iwainaka nuuwai.

(Carta de San Pablo a los Romanos) 16:26

Tujash yamaik iwaintugmakji Apajuí etsegtin aajakajua nunú agajajua nunak, nuigtush Apajuí tuke pujuuwa nuna ashí aents aidauk imá Jesucristunak dekaskeapi tuinak umigkatnume tibauwa nunashkam.

(Carta de San Pablo a los Romanos) 5:6

Jutiikek uwemainchau waigká batsatjin, Apajuí tsawan mamikiamu jegamtai Jesucristun awemauwai, dutikam jutii tudaujin mantamna uwemtijamjauwai.

(Primera carta de San Pablo a los Corintios) 9:17

Nunin asamtai mina wakeetajui wiki nagkaman takasuitkunuk akiam amainaitjai, tujash nu umimain asamtai dutikag nunak Apajuí dutikata tibau asan dutikajai.

(Carta de San Pablo a los Gálatas) 4:4

Tujash Apajuí tsawan mamikiamujiya nu uminkamtai niina Uchijin awemauwai, dutikam makichik nuwanum akiinauwai, nunik chicham umiktina nuna umiak pujusui;

(Carta de San Pablo a los Efesios) 1:10

dutikau asa ni tsawan mamikiamuji aina nu uminkamtai, nayaimpinum aina nuna, nugkanum aina nunashkam ashí Cristui ijumjatnai ni diistí tusa.

(Carta de San Pablo a los Efesios) 2:17

Cristuk tauwai, nunik yamajam chicham shiig agkan pujuta nuna, Apajuí dekachu aajakuitjum nu aidautigmin, tuja jutii Apajuí dekau aidautinash ujapakajui.

(Carta de San Pablo a los Filipenses) 1:13

nuniau asa wi achinkag duka, apú jeen aents batsatbaunmash, nuigtú ashí tikich aina nuish Cristo pachisan paan etsegbaunum yainkae.

(Carta de San Pablo a los Colosenses) 1:23

Tujash nuna nuniktag tuinakug Jesusan dekaskeapi tiajua nuig shiig ebetmamjag, nuigtú yamajam chicham Jesusai uwemna nu pachisa etsegbaun antukajua nunak dakainak pujuina nunú iman amain ainawai, nunú chicham ashí nugkanum etsegnakua nunak wishakam etsegjai.

(Carta de San Pablo a los Colosenses) 1:6

nunú yamajam chicham atumin tajutjamauwa duke ashí nugkanmash dapampaegak weawai. Ashí yantamnum wantinui pujutin yapajinaina dui, atum yama nagkamchakjum Apajuí dekaskenum wait anenkagtamuji antukuitjum dui nagkamas pujutjum yapajiau ainajum nunisag;

(Primera carta de San Pablo a los Tesalonicenses) 2:4

Apajuí jutii anentainash ashí diigtamas, yamajam chichaman Cristo pachis etsegtukti tusa sujamsauwa nu etsejuinaji; duka aents shiig awajkata tabaunum nunitsuk, Apajuí iina anentainash shiig dekagtama nu shiig awajkata tabaunum nuninaji.

(Primera carta de San Pablo a Timoteo) 1:1

Witjai Pabloitjai, Cristo Jesusan apostoljiyaitjai, Apajuí iina Uwemtijamna nu nuigtú Cristo Jesús jutii dakainag nujai chichaman etsegkati tusa awetiuwai,

(Primera carta de San Pablo a Timoteo) 1:11

junak yamajam chicham imana nu jintinkagtawai, Apajuí shiig anenkagtin mina kajitjus idaitugsamua nu.

(Primera carta de San Pablo a Timoteo) 2:3

Wagki juuwai pegkeja duka, nuigtú iina Apajuiji Uwemtikagtina nunash shiig awagma duka,

(Primera carta de San Pablo a Timoteo) 4:10

Nuadui takainaji nuigtush wainak chichagtamainakuish kakanmamainaji, Apajuí iwaaku ashí aents dekaskeapi tuidaun uwemtikna nu dakaidau asaja.

(Segunda carta de San Pablo a Timoteo) 4:17

Tujash Apu Jesús wijai au asa senchin sujusmayi, chicham etsegbauwa duka minai uminkati nunitai ashí judiochu aidaush antuktinme tau asa. Aatus agkanmitkajuabi león yuwata takui ayamjumaina numamtuk.

(Carta de San Pablo a Tito) 2:10

nuigtush kasagkainmegka, nunitsuk ashí kajittsá diyam amainun iwainmamkatnume, Apajuí iina Uwemtijamna nudau jintiamua nunash ashí eme anentus diistinme.

(Carta de San Pablo a Tito) 2:13

jutii shiig aneastinji Apajuinu nuigtú Jesucristo jutii Uwemtijamna nuna imanji wantinkatna nu dakainaku.

(Apocalipsis) 14:16

Tama yujagminum eketa nunú, hozjijai tsupig ajak nugkanmayanak juukmayi.