(Rut) 4:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Tusa timatai apu múun aidau tikich aents aidaujai nuwi batsatu chichainak: “¡Ehe, duka dekas iishkam wakegaji! ¡Nunú nuwa amina jemin wayatta nunak Tuke Pujuu yaigti, dutikam Raquel Leajai iina dukuji aajaku aina nujai betek atin ati! ¡Untsu amek Efrata, tikich daaji Belén tuuta awagmatia nuanuig, eme anentsa ajantusa diitai atatme!

(Rut) 4:11 Iomraidhean Croise

(Génesis) 23:10

Tutai Efrón hitita aents nii nuwi pachitkau asa, nii wegantu aidaush ijunbaunum, ashí aents yaaktan waitijin utsaanaidaush betek antuinamunum chichaak:

(Génesis) 24:60

Dutikainak, Rebecan pegkegnum yumigkinak aatus tiajui: “Iina umayi yamai akupkami: ‘Chah, ubajuh, ¡Amek shiig kuashat aentsun dukujimtai atin ata! ¡Nuigtushkam amina uchijum wegantu aidauk, ditá shiwaajin depetkatin atinme!’ tusa wakegaji”, tiajui.

(Génesis) 29:16

Tuja Labágka nawanjig jimag aajakui: iwai daajig Lea aajakui, untsu ekeu daaji Raquel aajakui.

(Génesis) 29:25

Nunik Jacob kanag tsawak, wainkauwai Leajai kanagbaun. Nuadui kajeka Labágkan chichajak: “¿Wagka minash jutijame? ¿Wi Raquelan jukitag tau asan amina takagsachmakjam? Dutikamu ayatkumesh ¿Wagka minash tsanujaume?” tiuwai.

(Génesis) 29:32

Tuja Lea ejapjuk aishmagkun uchigmakui. Dutika Rubén adaikauwai, wagki nuna uchigmak chichaak: “Wi wake besemag pujamun Apajuí waitkau asa wait anenjuje. Nuadui yamaik mina aishjuk anentatui”, tiuwai.

(Génesis) 35:23

Leayai akiamuk: Rubén aajakui iwai, nuigtu Simeón, Leví, Judá, Isacar, Sabulón aatus aajakui.

(Génesis) 35:24

Raquelai akiamuk: José Benjamígjai aajakui.

(1 Reyes) 21:8

Tusa tamawaik Acabpa daajin papiin agag apu sellojin apuja, nunú yaaktanmaya apu eme anentsa diitai aidau Nabotjai batsamin aidaun ishitkauwai.

(Proverbios) 31:23

Tuja niina aishinashkam yaaktanmaya aidauk ashí wainainawai, wagki apu eme anentsa diitai aina nuwi niishkam pachitkau asamtai.

(Miqueas) 5:2

Untsu Belén Efrata tuuta awagmatia, nuwiya aidautigmek, tikich Judá wegantu aina nujai diismash ujumchik ainagme. Nuninuch ainayatkujum, eme anentsa chichagtai atinaitjume. Wagki atumi patayi aajakua nuwiya apu atin akiina Judá wegantunum inamjattawai.

(Evangelio según San Mateo) 2:6

“Belén, amek Judá nugkanmayaitme; tujash Judanum yaakat eme anentai aina nuní piipichikesh atsume, wagki aminí jiinkitnai makichik Apu, tikich apu aidaun nagkaesau mina aentsug Israel aina nuna uwemtikatin” tawai, tuidau.

(Deuteronomio) 25:7

Untsu nuwatkashtatjame tusa niina wajeji dakitamak, chicham epegkeaku ijuntainum jeganta Israel aents aidaun apuji aidaun chichajak: “Mina wajejuk niina yachi daajiya nunú Israel aents aidaunum megkaekai tutan dakitawai. Nuniau asa mina nuwatjutan dakitawai”, tumainai.

(Deuteronomio) 25:9

Israel aents aidaun apuji aidau wainbaunum, nuwa niina wajejin jegantun sapat wegamakbaujin makichik jujuktatui, dutika yapinum usukia chichajak: “¡Aaja jutiktaya aents wajejin juki niina yachi uchiji atinun akiitan dakitauk!” titatui.