(Rut) 3:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tusa tama Booz ayaak: “¡Nawanjuh, Tuke Pujuu pegkegnum yumigtamsati! Amek dekas amina aishjum aajakua duka shiig umigme. Nuadui tikich aents datsauch, ujunakesh nuniachkush wiakchakesh mina nagkaetasu aidau egamainaitkum, mina egatkaume.

(Rut) 3:10 Iomraidhean Croise

(Génesis) 24:31

Nunik jegantun, chichajak: “¿Wagka agaash pujame? Amek Tuke Pujuu pegkegnum yumigjamuitme, anui pujutsuk wegajai mina jegajui wemi. ¡Wi ame kanumainnak amina camellojum batsamsatin aidaujai umikmajai!”, tiuwai.

(Rut) 1:8

Nunik jintá wesag Noemí ditan chichajak: “Atumi duku pujamunum wakitkitajum, atum mina, tuja mina uchig aidaujai shiig kuitamkagtukuitjum dutiksag atumnash Tuke Pujuu kuitamjamkatnume.

(Rut) 2:11

Tusa tama Booz ayaak: “Amina aishjum jakamtai nagkamsam, niina dukuji wajuk kuitamkaume nuna wika shiig dekajai. Tuja nuigtushkam amina apa, amina duku, amina nugkem aaja ukukim ii amina wainchatai aidautijai ijunja pujustasa taum nunashkam shiig dekajai”, tiuwai.

(Rut) 2:20

Tusa timatai Noemí ayaak: “¡Tuke Pujuu niinash pegkegnum yumigsati! Tuja nii iinashkam yaunchuk aents batsamajaku aina nuna yaigkua dutiksag yamai yaimpawai. Nunú aentsua duka mina aishug ayá nuna patayiyai. Nuadui iinak nii kuitamjamainai”, tiuwai.

(Rut) 2:4

Nunik juwaak wekagai Booz Belén pujau niina ajajin weuwai. Nunik jeganta ajaka juu aidaun kumpamak aatus tiuwai: “¡Tuke Pujuu atumnash kuitamjamkatnume!” tiuwai. Tusa tama dita ainak: “¡Tuke Pujuu aminashkam pegkegnum yumigtamsati!” tiajui.

(Rut) 3:9

Nunik iniak: “¿Yaitpa amesh?” tau. Tusa tama nii ayaak: “Wika amina inakem Rutaitjai. Amek mina aishug ayá nuna shiig patayiyaitme, nuniau asam ame minak kuitamjumainaitme. Nuadui ame nuwatjukta tajame”, tiuwai.

(1 Samuel) 15:13

Tusa ujakam Samuel Saúlan egak weuwai. Nunik jegamtai Saúl Samuelan chichajak: “Apajuí pegkegnum yumigtamsati. Apajuí dutikata tujutma nunak betek umikjai”, tiuwai.