(Rut) 1:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nunik pujus Tuke Pujuu niina aentsji Israel aents aidaunak wait anenjae, dutikau asamtai, ajak ajakmamuji aidauk shiig tsapai kuashat nejenawai. Nuadui yamaik nujantaik waituinatsui tabaun Noemí Moab nugkanum pujus dekauwai.

(Rut) 1:6 Iomraidhean Croise

(Génesis) 21:1

Apajuí Saran anagkuamunak imatiksag umikui.

(Génesis) 28:20

Nunú nugkanum Jacob nii umiktinjin juna aatus tiuwai: “Apajuí mina uyuuntakug, wi yamai wetatag duwish nigki kuitamjak, wi yuwatnunash sujus, wi nugkumainnashkam sujustatui.

(Génesis) 48:15

Nuna dutika Josén pegkegnum yumigkiak aatus tiuwai: “Mina apachug Abraham, Isaac Apajuín umijujaku aina nunú wi yama nagkamchakun akiinawaitag duwi nagkamas yamaikish tuke kuitamja nunú,

(Génesis) 50:25

Nuna tusa José Israela uchiji aidau umikagtinun chichajak: “Dekas tajime, atumnak Apajuí yaimpakagtinai. Dutijamainakuig mina ukunchjush juwi ukugtutsuk jukitin atajum”, tusa yachi aidaun akatjauwai.

(Salmos) 145:15

Apujuh, ashí aents aidauk amina dakagmainawai, yutain sujamsati tusa.

(Éxodo) 3:16

Nuadui wetá nunika jegaam Israel aentsu apuji múun aidau ijumja chichagkum: ‘Apajuí, Tuke Pujuu tutaya nuna, atumi apachjum Abraham, Isaac, Jacob emematujaku aina nunú mina wantintujuk chichagtak: Wika ditanak kajimatchau asan, egiptunmaya aents aidau waitkam batsata nunak wainjai.

(Éxodo) 4:31

Nuna wainkag Israel aents aidauk: Dekas Tuke Pujuuwap awemae tiajui. Tuja Israel aents aidau waituina nunak wainjai, tuja waitkam batsata nunashkam dekajai Tuke Pujuu timae tabaun antukag, tikishmag pujusag niina emematuidau.

(Isaías) 55:10

Yumik nayaimpinmaya yutawai, nunikash ataktuk nayaimpinmak wakettsui, ayatak nugkan uchupig ajak tsapamain emawai, dutikamtai ajak aidau tsapawai, nunik nejeku juuka yutayama

(Evangelio según San Mateo) 6:11

Dutiksamek ii yuwatnushkam kashí kashinig sukagtita.

(Evangelio según San Lucas) 1:68

“Emematiagmi Apu, Israelan Apajuijiya nu, ni aentsjin agkanmitkatatus taa nunú.

(Evangelio según San Lucas) 19:44

Dutijamainak atumnak ashí uchigmijai amupainak yaaktagminash ashí tsaigtamkagtinai, dutikamu asa makichik kayakesh tikich kayanum patamiukesh juwakchatnai, wagki Apajuí uwemtijamjatatus awetugmamu dakitjau asajum”.

(Primera carta de San Pablo a Timoteo) 6:8

Nuadui, ayamjumamain nuigtú ejamamainush ajutjamkuig, nujaig shiig aneasa pujumainaitji.

(Primera carta de San Pedro) 2:12

Apajuí nemajuinatsu nujaig shiig kuitamamka pujustajum. Jutii pegkegchau takauwa iman chichagtamaina dusha Apajuí ememattinme, tsawan uwemau atina nuaduish atum pegkeg takasbaun diigtamsag.

(Rut) 1:5

ditashkam mai jakauwai. Nunik uchiji jinaamtai, Noemík uchigtuchu, nuigtush aishinchau nigkiuch juwakui.

(Rut) 1:7

Nunik dekaa Judá nugkanum waketak, niina uchiji nuwe aajaku aidaujai uminas jiinkiuwai.

(1 Samuel) 2:21

Nuadui Anak Tuke Pujuu pegkegnum yumigkiamu asa, kampatum uchi aishmagkun, jimag nuwan aatus uchigmakui. Tuja Samuelak Tuke Pujuu kuitabau asa, nuwig niina takajak pujusa tsakau.