(Carta de San Pablo a los Romanos) 1:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ niina Uchijí iina Apuji Jesucristo David weantu aajakua nuna pachisag;

(Carta de San Pablo a los Romanos) 1:3 Iomraidhean Croise

(Génesis) 3:15

Amek yamai nagkamsamek nuwajaig tuke shiwag atinaitme, nuadui amina uchijum wegantu agtina dusha, nuwa uchiji wegantu agtina nujaish tuke shiwajak agtinai. Nuwiya makichik amina buukmin dekenjamkatnai, tujash amek ayatak niina sagkani esattinaitme”, tiuwai.

(Salmos) 2:7

Tuja Tuke Pujuu mina tujutma nuna etsegkatjai. Tuke Pujuu chichagtak: “Ametme mina uchigmek, amek wi akiinati tima akiinauwaitme.

(Amós) 9:11

“Nunú tsawan jegakui, Davita aakji tegaekau ataktu aakmamaina numamtuk, ataktu nii wegantunmaya Israel aents aidaun apuji wajas inamjatnai. Nuadui yaunchuk ayanum iman wajasagtinai.

(Evangelio según San Mateo) 1:1

Ju ainawai Jesucristo muunji aajakajua nuna daaji agatkamua duka. Nigka David, Abraham aina nu weantu aajakui.

(Evangelio según San Mateo) 1:16

Tuja Jacob akiauwai Josen, María aishi aajakua nuna; nuwi akiinauwai Jesús, Cristo tujakbauwa nu.

(Evangelio según San Mateo) 1:6

Isaí akiauwai rey Davitan, tuja rey David akiauwai Salomogkan Uriasa nuwe aajakua nui.

(Evangelio según San Mateo) 12:23

Ashí aents aidauk nuna wainkag, puyatkag: “¿Juchauwashit David weantunum Cristo akiinatnai tibauwa nu?” tuidau.

(Evangelio según San Mateo) 15:22

Nui jegattaman canaagnumia nuwa Jesusan untsukmaikia minis: —¡Apuh, Davita uchijiyah, minash wait anenjugta! ¡Mina nawanjun wakan pegkegchau egkemtug senchi waitkagta nu!, tau.

(Evangelio según San Mateo) 26:63

Tamashkam Jesusak chichaachu. Nunitai sumo sacerdote chichajak: —Apajuí iwaakua nuna daajin tajame, ame dekas Cristo, Apajuí Uchijiyaitkumek dekas ujajatkata, tau.

(Evangelio según San Mateo) 27:43

Apajuin kajinas anentaimtinuwe, ni wakegakug yamai agkanmitkati, wagki Apajuí Uchijiyaitjai tumamnuwe dui, wajaidau.

(Evangelio según San Mateo) 3:17

Nuniaig nayaimpinmaya chicham antuekau: “Juuwai dekas mina Uchig anetaijuk, niiní shiig aneamu ajutui”, tabau.

(Evangelio según San Mateo) 9:27

Nuna dutika Jesús jiinki wetatman, jimag aents wainmachu pataetukag, untsumkag: —¡Davita uchijiyah, jutiish wait anenkagtugta! wajaidau.

(Evangelio según San Lucas) 1:35

Tutai ángel ayaak: —Wakaní Pegkeji aminí taattawai nunikmatai ashí tikich aidau nagkaesau muunta nuna senchijí ejapaktatui. Nunin asa uchi akiinatta dusha pegkejam “Apajuí Uchijí” tama atinai.

(Evangelio según San Lucas) 1:69

Awetugmaji makichik senchigtin Uwemtikagtinun, ni inake David aajakua nunú wegantun.

(Evangelio según San Juan) 1:14

Nunú Chichama duka Aentsmaga akiina jutiijai wajumchik mijan pujusui. Nuna imanjig jutii wainkabiaji, Apajuí Uchijí makichkiuchia nu, wait anenkagtamuji nuigtú dekaskejishkam.

(Evangelio según San Juan) 1:34

Wika nuna wainkau asan, nigka Apajuí Uchijiyai tusan etsegtajai”, tiuwai.

(Evangelio según San Juan) 1:49

Tama Natanael ayaak: —Rabí, amek Apajuí Uchijiyaitme, ametme Rey Israeldau, tau.

(Evangelio según San Juan) 10:30

Wika mina Apagjaig makichkitji, tiuwai.

(Evangelio según San Juan) 10:36

Apajuí mina etegtua ju nugka jui awetimtai tau asan: —Wika Apajuí Uchijiyaitjai takuish, wajuk anentaimsagmea Apajuí pegkegchau chichajui tujutjume

(Evangelio según San Juan) 20:28

Tama Tomás senchi chichaká: —Mina Apujuh, amek mina Apajuijuitme, tau.

(Evangelio según San Juan) 20:31

Nuniaig juka: Atumesh Jesusak, Cristo Apajuí Uchijimpapita, tusajum dekaskeapita takujum, pujut tuke atina nu jukimnujum, tusan agatjime.

(Evangelio según San Juan) 5:25

Dekas tajime, hora jegawai, duka yamaiya juwai, jakau aidau Apajuí Uchijí chichamen antukagtata nunú, nuna antuidauk tuke pujusagtinai.

(Evangelio según San Juan) 7:42

¿Agagbauwa nuanui, Cristuk David weantu nuigtú belegnumia atinai David pujujakua nuiya tatsuak? tuidau.

(Los Hechos de los Apóstoles) 2:30

Tujash Davitak profeta aajakui, nuniau asa dekajakui Apajuí chicham yapajimainchauwai anagkuak, ame weantunmayan makichik ame ekeemtaigmin ekentsatnaitjai tibauwa nuna.

(Los Hechos de los Apóstoles) 3:13

Junak iina muunji Abraham, Isaac, Jacob aina nuna Apajuiji, iina muunji aajakajua nuna Apajuijiya nunú, niina Uchijí Jesusan ememattinme tusa jutikae; atum sujukagmin Pilatok akupkata taig atum dakitjau ainajum nuna.

(Los Hechos de los Apóstoles) 8:36

Nunik weamunum jintaa entsa aunum jegantá eunuco chichaak: —¿Ju yumi awa jui wi yamimagta tamash wají utugchata amainaita? tau.

(Los Hechos de los Apóstoles) 9:20

Nuniak jega ijuntai aidaunum wayá Jesusak Apajuin Uchijiyai, tusa etseju.

(Carta de San Pablo a los Romanos) 1:9

Apajuí wakejusa takaju asan, niina Uchijin pachisan yamajam chichaman etsegtag nunú dekagtawai, Apajuí aujkun idaitsuk tuke atumin adaisanké ajim nunak;

(Carta de San Pablo a los Romanos) 4:1

Yamai dekawagmi Abraham iina apají wajukauwaita nudau.

(Carta de San Pablo a los Romanos) 9:3

Nunimainaitkuig wi Cristui kanakan suwimkan jukitjai tumain dekapeajai, aaja nuniamash mina yatsug aidaush wait anentam amainaitkuig.

(Carta de San Pablo a los Romanos) 9:5

Ditashkam ii muunji Apajuí etegkamu jutii uyujtamkatin aajakajua nu weantuk ainawai. Nunú ii muunji aajakajua nuwi Jesucristuk egkemak aentsmaga akiinauwai. ¡Cristui ashí wají aina nuna diyauk, niiyai Apajuik, nigki tuke ememattai atí! Aatus atí.

(Primera carta de San Pablo a los Corintios) 1:9

Apajuik ni anagkagtuamujinak imatiksag uminai, nigki etegtamjauwai niina Uchijí Jesucristo iina Apujiya nujai ijutkau pujustinme tusa.

(Primera carta de San Pablo a los Corintios) 10:18

Israel aidaushkam anentaimsa diistajum, kuntinun maawag altarnum apeenakug nuiyanak nejen yuujakú ainawai, aatus nuninak Apajuijai ijutkau aajakajui.

(Carta de San Pablo a los Gálatas) 4:4

Tujash Apajuí tsawan mamikiamujiya nu uminkamtai niina Uchijin awemauwai, dutikam makichik nuwanum akiinauwai, nunik chicham umiktina nuna umiak pujusui;

(Primera carta de San Pablo a los Tesalonicenses) 1:10

nunikjum Apajuí niina Uchijin Jesusan jakaunmayan inankiuwa nu nayaimpinmaya minitna nu dakasta tuidau asajum, Apajuí suimkaji ishamain atina nui agkanmitkagmatna nunú.

(Primera carta de San Pablo a Timoteo) 2:5

Wagki makichik Apajuik awai, nunisag Apajuijai chichaman epegtugbaush makichki, duka Cristo Jesusai aentsmagauwa nunú,

(Primera carta de San Pablo a Timoteo) 3:16

Juka utujimsaish anentaimtumaitsui, shiig muun wait anenkagtamu dekaachbau aajakua duka: Nigka aentsmaga wantinkauwai, Wakaní Pegkejishkam pegkegchauji atsujui tiuwai, ángel aidaushkam wainkamu, judiochu aidaunmash etsegkamu, nugkanmaya aidaush dekaskeapi tibau, nayaimpinum jukimu aajakui.

(Segunda carta de San Pablo a Timoteo) 2:8

Adeagta, Jesucristo David weantu aajakua nu, jakau aina nuiya nantakiuwa nuna pachisan yamajam chichaman etsegnuweg nunú,

(Primera carta de San Juan) 1:3

jutii wainkau aidauti nuigtush antuku aidauti etsejuinaji atumesh jutiijai ijutkau atajum tau asaja; wagki jutiik iina Apajijai ijutkaji nuigtú niina Uchijí Jesucristujaishkam.

(Primera carta de San Juan) 3:23

Jujuwai ni chicham umiktajum tibauwa duka: Niina Uchijí Jesucristo daajiya nui dekaskeapi tuinaku, nuigtú pempeentunisaik aneenimaina nu, ni tujabauwa nunisaik.

(Primera carta de San Juan) 3:8

Tujash tudau takaa wekaga duka Iwanchdau asa nuniawai, wagki Iwanchia duka nagkamtinig tunamajui. Nuadui Apajuí Uchijiya nu Iwanchi takatji aina nuna emegkakta tau asa tauwai.

(Primera carta de San Juan) 4:15

Makichik aentskesh Jesusak Apajuí Uchijiyai tawa nui Apajuik ijutkawai, nuigtú niishkam Apajuinum ijutkawai.

(Primera carta de San Juan) 5:1

Ashí aents Jesusak Cristui tusa dekaskeapi tuina nuuwai Apajuí uchijí aidauk. Apajuí aneakuik ni uchijí aidaushkam aneaku dutiknawai.

(Primera carta de San Juan) 5:20

Nuigtushkam dekainaji Apajuí Uchijí ju nugka jui tauwa duka, nunik ni dekamtijabauwai Apajuí dekas tuke pujuwa nuna. Jutiik Jesucristo dekaskea nujai ijuntsa pujuinaji, duka Apajuí dekaskea nuuwai pujut tuke atinun sukagtina nu.

(Primera carta de San Juan) 5:5

¿Yaita nugkanmaya pegkegchaun depetea dusha? Duka Jesusak Apajuí Uchijiyai tusa dekaskeapi tuina nuuwai.

(Segunda carta de San Juan) 1:7

Wagki kuashat tsanumin aidau nugkanmag jiinjaje, Jesucristuk aentsmaga akiinachui tuina nu. Nunuwai tsanumin nuigtú anticristo.

(Apocalipsis) 2:18

Agatjata ángel iglesia Tiatira awa nuna diina nunú: Apajuí Uchijí, jii keegama imanun jiimkauwa nu, naweshkam bronce dewa wegama imanun nawemka nunú chichaak, juna tawai: