(Carta de San Pablo a los Filipenses) 4:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Shiig senchi shiig aneajai Apu Jesusai, ataktú mina uyumatjukujum dui, atum mina tuke uyumatjin agmaujum nunak dekajai, nuninaitkujum dutikmain atsau asamtai ankaugme.

(Carta de San Pablo a los Filipenses) 4:10 Iomraidhean Croise

(Oseas) 14:7

Israel aents aidauk ataktu wi kuitamkam batsamsagtinai; dutikamu asa trigojai betek tsakajagtinai, nuninak uva yagkujuwama imaniagtinai, kugkuntishkam muja Líbanonmaya vinon kugkuntijai betek atinai.

(Segunda carta de San Pablo a los Corintios) 11:9

Wi atumiin pujubiag dui atsumaknush makichkitigminakesh waitkaschabiajime, yatsug macedonianmaya aidau taawag ashí wi atsumamunak sujusagmayi. Atumin waitkasaig tusan kuitamamkabiag nunisnuk kuitamamkattajai atumin waitkasaig tabaunum.

(Segunda carta de San Pablo a los Corintios) 6:7

chicham dekaskea nu etsegtanum nuigtush jutiiní Apajuí senchijí ajutjama nujai, jutii imagnisa pujuinaku tikich aidau chicham ujaku ii shiwaji aina nui ayamjumatnash sujamji;

(Carta de San Pablo a los Gálatas) 6:10

Tsawan eke awa juik ashí aentsuk tutit awagmatsuk pegkegnum yaigtajum, tujash Cristo nemajuina nujai imá senchi yainiktasajum wakeetajum.

(Carta de San Pablo a los Gálatas) 6:6

Apajuí chichamen jintinjamuk, atum jintinbautijum ashí wají pegkeg aina nujai yaigtajum.

(Carta de San Pablo a los Filipenses) 1:1

Witjai Pablo, nuigtú Timoteojai Cristo Jesusa inake aidauti, ashí Apu Jesusai pegkeniu aidautijum obispo aidau, nuigtú diácono aidautijum Filipos batsatjum nuutigmin kumpamjime.

(Carta de San Pablo a los Filipenses) 1:3

Atumin anentaimtaknuk tuke see tusanké ajai mina Apajuijun.

(Carta de San Pablo a los Filipenses) 2:30

wagki Cristo takagbaunum jatanum jeganmayi, niina pujutinak ishamainnum idaisabi atum mina yainmaina nuna ni yainkata tau asa.