(Carta de San Pablo a los Filipenses) 2:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ ni aajakbauwa nunak idaiyak jutiijai betek wajas, ashí aents aidau inataijiya nunin wajasui;

(Carta de San Pablo a los Filipenses) 2:7 Iomraidhean Croise

(Salmos) 22:6

Tuja wika aents tamak amaitsujai, wika bagajai betekaitjai. ¡Wika aents aidaun dushiktaiyaitjai!

(Isaías) 42:1

“Jujuwai mina inakeg, Wi niinak achiakjai, wi niinak etegkauwaitjai, niini shiig aneajai, niyai mina Wakanjun apusajai; Nii aents ashí nugkanmaya aidaun pujut pegkejan susatnai.

(Isaías) 49:3

Tuja nii chichagtak: ‘Israel aents aidauwah, atumek mina inakeg ainagme, atumiin mina senchignak iwainaktatjai’, tujutmayi.

(Isaías) 53:11

Imanik waitus nagkaikiu asa, dekaattawai dekas Apajuí umigbau ima pegkeja nuna, nunik shiig aneas juwaktinai. Apajuín inake chichaman betek umina nunú aents aidau tudaujinak entsaktinai, dutikak agkanmitkatnai.

(Daniel) 9:26

Sesenta y dos semana nagkaemakmatai, apu atin etegka adaikamun makichkish utugchatji atsujunak maawagtinai. Tuja tikich apu ekemtina nuna suntaji aidau Jerusalégnak jega Apajuí emematku ijuntai jegamkamujai ashí tsaikagtinai. Nunú tsawan uminbauk pachiachbaunum nujag dujajak utuwama numamtuk atinai. Tuja maaniamu, tsainiamu atinai tusa etsegkamua duka imanisag wea weakua amuekatnai.

(Zacarías) 9:9

¡Yaakat Jerusalégnumia aidautigmek shiig aneastajum! ¡Shiig aneakjum kantamatajum! ¡Amina apujum burro tsakatnum entsatkau minitjamui! Imanchauch wajakin, pegkejam, pegkegchaun takachu, amina yaimpak depetmitkagmaktatus minawai.

(Evangelio según San Mateo) 12:18

“Juwai mina inakeg wi etegkauwaitag nu, mina anetaig, niiní shiig aneamu ajuta nu. Niina susatnaitjai mina Wakanjun, dutikam ni aents judiochu aina nunash pegkeg takat aina nuna ujaktinai.

(Evangelio según San Mateo) 20:28

Wagki Aentsmaga akiinauwa duka umigtuktinme tusag taachui, nigka tikich aidaun yaigtatus tauwai, nunik mantamnak kuashat aentsun uwemtikata tau asa.

(Evangelio según San Marcos) 9:12

Tiagtai Jesús ditan ayaak: —Dekaskenmag Eliasak niiyá eemak taatnai nunik ashí wají aidaunak ni ataktú iwajatnai. Tujash ¿Aentsmaga akiinau pachisaish wajintu agagbauwaita, senchi waittsatnai nuigtush dakitjamu atinai tatsuak?

(Evangelio según San Lucas) 22:27

Wagki ¿yaita eme anentsá diitaish, mesanum eketa dukaih atsa ajaama dukaih? ¿Mesanum eketa duchaukaih? Nunin aig witjai atumjaig ajamauwa nuninnuk.

(Evangelio según San Juan) 1:14

Nunú Chichama duka Aentsmaga akiina jutiijai wajumchik mijan pujusui. Nuna imanjig jutii wainkabiaji, Apajuí Uchijí makichkiuchia nu, wait anenkagtamuji nuigtú dekaskejishkam.

(Carta de San Pablo a los Romanos) 1:3

niina Uchijí iina Apuji Jesucristo David weantu aajakua nuna pachisag;

(Carta de San Pablo a los Romanos) 15:3

Wagki, Cristukesh imá nigki shiig awagmamkatasag wakekachui, duka niiní uminkauwai Apajuí chichame agagbaunum: “Apajuiyah, aents amina pegkegchaun chichagtamaina nunak, mina tujutuinawai”, tawa nu.

(Carta de San Pablo a los Romanos) 15:8

Juna tajime: Cristo Jesusak judío aidautin yaimpaktatus tauwai, Apajuí iina muunji aidaun anagkuauwa nuna umiktatus. Ni nuniak iwainakui Apajuik dekas ni anagkagtuamujinak betek umina nuna.

(Carta de San Pablo a los Romanos) 8:3

Moisés chicham umiktinun tibauwa duka makichkish umimainchau aajakui, iina iyashí pegkegchau unuimatjau asa kakaakchau asamtai. Nuniamun Apajuí niina Uchijin aentstí iyashí tudauwa nunin ema awemauwai, ni tudaunum mantamnati tusa. Aatus Apajuik tudaunak depetkauwai Cristo iyashí kakaakchau wajasua nujai.

(Segunda carta de San Pablo a los Corintios) 13:4

Duka dekaske nigka kakaakchau wajasmatai yupichu achijaju ainawai, tujash yamaik Apajuí senchijijai pujawai. Jutiishkam nunisaik ni kakaakchau aajakua nuninuk ainaji, tujash Apajuí senchijin Cristujai ijunja pujuinaji atum yaigta tabaunum.

(Segunda carta de San Pablo a los Corintios) 8:9

Atumek dekagme iina Apu Jesucristo wait anenkagtamujiya duka, atumin anempamunum ujunauch wajasui wiyakchaitak, ni ujunauch webaunum dekas pegkeja nuna jukitnume tujamu asa.

(Carta de San Pablo a los Gálatas) 4:4

Tujash Apajuí tsawan mamikiamujiya nu uminkamtai niina Uchijin awemauwai, dutikam makichik nuwanum akiinauwai, nunik chicham umiktina nuna umiak pujusui;

(Carta de San Pablo a los Filipenses) 2:6

nigka Apajuí wajukuita ibau aajakuitak, Apajuijai betek atasag wakekachui;

(Carta a los Hebreos) 12:2

Jesús diisagmi. Niiní nagkamnawai dekaskeapi tabauk, jutii dekaskeapi tabaush niinig nagkatkawai. Jesusak datsantan cruznum achijá maam waitiakush uyumatsuk atsanjauwai, ni shiig aneastinji daka nuna dekau asa, nunik Apajuí ekeemtaiji untsujin ekeemsauwai.

(Carta a los Hebreos) 13:3

Aents achikam egketaidaush, atumin achigmakagmatai egkeemainaitam nu anentaimsam yaigtajum. Aents waitkam batsataidaushkam, atumshakam dutiksaik waitkam amainaitjum nu anentaimsajum yaigtajum.

(Carta a los Hebreos) 4:15

Wagki jutii Sumo sacerdotejiya nu, ii kakaakchau wegajinish wait anenjamainai. Nigka jutiijai betek pegkegchau takamtiksatasa dekapeam asauwai, tujash nigka makichkish tudaunak takaschauwai.