(Carta de San Pablo a los Filipenses) 2:27 - Awajún: Apajuí chichame pegkejam Porciones del Antiguo Testamento y el Nuevo Testamento

²⁷ Dekaskenmag jamayi, jatanum jeganmayi, tujash Apajuí niinak wait anenjabi, imá niinakek dutikache, minashkam wait anenjuje, wake besemag pujag nuna, nuní nagkaemas wake besemag pujusai tujutu asa.

(Carta de San Pablo a los Filipenses) 2:27 Iomraidhean Croise

(Job) 5:19

Ame ishamainnum pujutaish, nigka kuashta aminak agkanmitkagmattawai. Tuja pegkegchauwa nunú waitkasti tusag idaitamsashtatui.

(Salmos) 34:19

Tuke Pujuun umigna duka kuashat utugchatan igkuawai, tujash niinak Apajuí depetmatnak suwawai.

(Isaías) 43:2

Yumi piyajunum nagkaemakminish, wi kuitamkattagme, tuja namak aidau katitkuminish, jakejai tusan kuitamkattagme; tuja jii kegamunum nagkaemakmesh esashtinaitme, jii kegak nimpaush dekapjashtinaitme.

(Habacuc) 3:2

Tuke Pujuuwah, ame ashí dutikaum nunak shiig dekajai, nuadui amina ishamakun kujajai. Wait aneasam iina apachji aidau yaigkuitam dutiksamek yaijatkata, kajegkagtukam idaikagtusu akumesh, wait anenkagtugta.

(Los Hechos de los Apóstoles) 9:37

nuní pujau Dorcas jakauwai. Nunikmatai iyashin nijajag jega makichkia ekeni jegamkamunum iwakag, tesamunum awayá aepsajui.

(Primera carta de San Pablo a los Corintios) 10:13

Atum pegkegchau anentaimtakjum waitiajum nunak tikich aents aidaush nunisag waituinawai, tujash Apajuik betek umina ibau asa atum katsunmainchaunmag waittsati tusag idaitamsachagtatui, ayatak ame pegkegchau anentaimkum waitiam dusha wajuk katsunjam nagkaemainaitme nuna yaimpaktatui.

(Segunda carta de San Pablo a los Corintios) 2:7

Yamaik atumek tsagkujajum anentai ichichtugtajum, wake besemag ane anentaimkawa kakaakchaunum jegantai.

(Carta de San Pablo a los Filipenses) 2:26

Nigka shiig senchi wakemayi atumin ashí waipakagtatus, nuniayatak shiig senchi waittsabi atum jaawai tabau antukchamkaijum nuna.

(Carta de San Pablo a los Filipenses) 2:28

Nuadui wamkesan awetajime, atumshakam ataktú ni wainkajum shiig aneastajum, nuniakjumin wishakam wake besemjak pujushtajai, tusan.

(Carta de San Pablo a los Filipenses) 2:30

wagki Cristo takagbaunum jatanum jeganmayi, niina pujutinak ishamainnum idaisabi atum mina yainmaina nuna ni yainkata tau asa.