(Carta de San Pablo a los Filipenses) 2:26 - Awajún: Apajuí chichame pegkejam Porciones del Antiguo Testamento y el Nuevo Testamento

²⁶ Nigka shiig senchi wakemayi atumin ashí waipakagtatus, nuniayatak shiig senchi waittsabi atum jaawai tabau antukchamkaijum nuna.

(Carta de San Pablo a los Filipenses) 2:26 Iomraidhean Croise

(Salmos) 69:20

Ima imatjutuinakua ipimtukiaje, nuadui shiig aneasa pujumainchau kakaagchamin dekapeajai. Yaki wait anenjug anentaijun ichichtujainta tusan, egaknush wainkachmaijai.

(Isaías) 61:3

Israel aents aidau dita shiwaaji depeteam buutu batsata nuna shiig aneastinme, tuja yukuun ukatmama batsata nuna dakunkut anentain susati tusa awetine. Tuja wi agkanmitkamu asag, numi roble Apajuí ajakbau pejkejush amain aina iman asagmatai, tikich aidau chichajuinak: ‘Roble katsujam tegamainchau’ tiagtinai.

(Evangelio según San Mateo) 11:28

“Minai minitajum ashí atum kuashat takat takaakjum pimpikjum nuigtú kijin aidau yanamaina imanikjum pujautigmek, nunak wi ayamtijatjime.

(Evangelio según San Mateo) 26:37

Tusa Pedron nuigtú Zebedeo uchijin mai juki wesa wake besetan nagkamauwai, nuniak shiig senchi anentaimak waitiau.

(Los Hechos de los Apóstoles) 21:13

Tama Pablo aigmak: —¿Wagka buutkugmesh anentaijuish wake besemjash egketjagme? Wika ayatak jigkagbau atasanuk umintsan wekaetsujai, Apu Jesús takagbaunum chichame etsegbaunum Jerusalén jakatasan wekaejai.

(Carta de San Pablo a los Romanos) 1:11

Wagki senchi wakegajai atumin wainkatasan, nunikan Wakaní Pegkeji don sujusbau ajuta nuna, atum ichichmamja pujumaina nuna jintintuatasan;

(Carta de San Pablo a los Romanos) 12:15

Shiig aneas pujaujaig, atumshakam shiig aneasjum pujustajum, tuja buutuidaujaig, atumshakam buuttajum.

(Carta de San Pablo a los Romanos) 9:2

shiig kuashat wake besemag dekapeakun anentaijun tuke idagmasnuké ajai.

(Primera carta de San Pablo a los Corintios) 12:26

Aatus asamtai iyashnum ijutkau aina nuiya makichik waittaik, ashí iyashnum ijutkau aina dushakam waituinawai, antsag iyashnum ijutkau aina nuiya makichik puyatjusa kuitamjinig, ashí iyashnum ijutkau aina dushakam shiig aneenawai.

(Segunda carta de San Pablo a los Corintios) 9:14

Nuninak atumin anempas Apajuin aujtugmagtatui, Apajuí shiig kuashat wait anenkagtamujin atumin iwaintugmakaja dui.

(Carta de San Pablo a los Gálatas) 6:2

Atumek pempeentunikjum yainiktajum utugchat ajamu wainkugmek, aaja dutikdayakjum Cristo tibauwa nu umiktatjume.

(Carta de San Pablo a los Efesios) 3:13

Nuadui segajime, wi atumiin waitiag nu diisjum mijakaijum tusan, nunitsuk dekas atumesh eme anenmamjatajum.

(Carta de San Pablo a los Filipenses) 1:3

Atumin anentaimtaknuk tuke see tusanké ajai mina Apajuijun.

(Carta de San Pablo a los Filipenses) 1:8

Wi atumin ashí aneajim nunak Apajuí shiig dekagtawai, Cristo Jesús jikamsá anejattaijin suja nujai aneajim nunak.

(Carta de San Pablo a los Filipenses) 2:25

Dutiksanuk yatsug Epafrodito awetitag tajime, mina takat atuetutaig, nuigtú yamajam chicham etsegbaunmash senchi takaak, nuigtú wi atsumamunmash yainka nuna.

(Carta de San Pablo a los Filipenses) 2:27

Dekaskenmag jamayi, jatanum jeganmayi, tujash Apajuí niinak wait anenjabi, imá niinakek dutikache, minashkam wait anenjuje, wake besemag pujag nuna, nuní nagkaemas wake besemag pujusai tujutu asa.

(Carta de San Pablo a los Filipenses) 4:1

Nuadui mina yatsug aneetaig aidauwah, wika atumnak senchi aneajime, wi atumiin shiig aneamu ajuta duka, wají shiig pegkejan jumainaitag imanai. Nunin asamtai, atum Apu Jesusai ebetmamjajum pujajum nunisjumek pujustajum.

(Primera carta de San Pedro) 1:6

Nuadui atumek shiig aneajume, nunimainaitkuig yamai ujumak tsawantai kuashat niimtinai waitkasa dekapsamu amainaitjume.