(Carta de San Pablo a los Filipenses) 2:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ wagki Apajuiya nuuwai wakeetan nuigtú ni wakega dutiksaik wakejusa takatan atumin amá duka.

(Carta de San Pablo a los Filipenses) 2:13 Iomraidhean Croise

(1 Reyes) 8:58

dekas iinash nii wakesa umigtan amastí, dutijamamtai nii wakegamua nunú umiaku niina chichame umiktin agagbau aidaun umiktajum tusa iina muunji aidaun susauwa dushakam umikagmi.

(Esdras) 1:1

Apu Ciro, Persia nugkan apuji wajasa makichik mijan takai, yaunchuk profeta Jeremías Tuke Pujuu tibaun etsegkauwa nunú uminkatin tsawan jegau asamtai, apu Ciro papiin umika ashí nugkanum nii inama nuwi ishiakti tusa Tuke Pujuu niina anentain antinkauwai.

(Esdras) 1:5

Tusa timatai Judá wegantun apuji aidau, Benjamín wegantun apuji aidau, sacerdote aidau, Leví wegantu aidaushkam ashí Apajuí wakemitkakbau aidauk Jerusalén shiyakag Apajuí emematku ijuntain jegamkagtatus umintsajui.

(Esdras) 7:27

Aatus apu papiin agag umikmatai, Esdras Apajuín aujak: “¡Tuke Pujuu iina muunji aajaku aina nuna Apajuíji emematiagmi! ¡Nunuwai dekas pegkejam wait anenkagtinuk, wagki nii apu Artajerjesa anentain antintuk, Apajuí emematku ijuntai Jerusalégnum awa nuna eme anentus diisti tumamtikiu asamtai!

(Nehemías) 2:4

Tusa tai, apu inintak: “¿Wajinma yaimainaitjame?” tusa tujutkui, Apajuí nayaimpinum pujuuwa nuna mina anentaijuig initak ausamiajai.

(Salmos) 110:3

Ame apu wajasamin, amina aentsjum aidau shiig aneas kaunawag, ame tabau umikmi tusa tujabiagtin ainawai. Tuja amek kashikmas jegashjuk tsawauwama numamtuk, kashi kashinig yamajam senchi jutatme.

(Jeremías) 31:33

“Tuja nunú tsawan jegamtai, wi ditajai chichaman umiktinaitag duka juju atinai: Wi chicham umikbauwa nuna dita anentain egketjattajai, tuja anentaimtajinish agatjagtatjai. Wi dita Apajuíji atatjai, untsu dita mina aentsug agtatui. Witjai Tuke Pujuunuk, nunak dekas tajai.

(Evangelio según San Lucas) 12:32

“Ishamkaigpajum, ujumak mina jintintaig ainajum nuutigmek, wagki atumnak Apa Apajuiya nu mina inamtaijui pujustinme tusa wakejutpagme.

(Evangelio según San Lucas) 2:14

“Nayaimpinmash Apajuiya duke emematiagmi, nugkanmash shiig agkan pujamu atatui Apajuí wait anenjamu aina duka”, wajaidau.

(Evangelio según San Juan) 3:27

Tama Juan chichaak: —Apajuí dutikata tichamunak aentsuk makichkish dutikmaitsui.

(Evangelio según San Juan) 6:45

Profeta aidau agagbaunum: “Ashí Apajuí jintintuamu agtinai”, tawai. Nunin asamtai ashí Apajun antugkau aina nu nuigtú niiniyan unuimaina nu minaig mininawai.

(Evangelio según San Juan) 6:65

Nuigtushkam chichaak: —Nuadui timajime makichkitigmekesh minaig minimainchau ainagme, Apag nunikti tichamu aidautigmek tusan.

(Los Hechos de los Apóstoles) 11:21

Nuniagtai Apu Jesuschakam niina senchijin ditan suidau, dutikainamu asag kuashat dekaskeapi tusag Jesusan nemagkajui.

(Carta de San Pablo a los Romanos) 12:3

Minak Apajuí wait anenjug chicham etsegkata tujutiuwa dui ashí atumin tajime: Makichkitigmesh atum wagaakuk anentaimtumigpajum. Duka nunitsuk, dekas makí makichkitijum ebetmamjajum anentaimkau atajum, atumin Apajuí shiig yupichu dutikatnun dekaskeapi tau asagmin sujamsamua nunisjumek.

(Carta de San Pablo a los Romanos) 9:11

tujash uchik eke akiinainatsaig, pegkegnash pegkegchaunash takainatsaig, Apajuí wajuk dutikatasaya anentaimtus etegkauwaita duka nunisag atí tau asa takasbaujinak diigtsuk,

(Carta de San Pablo a los Romanos) 9:16

Nunin asa, aents etegtuati tusa wakegaidau asamtaigkish, nuniachkush niina shiig awajkatatus senchi kakanmamu asamtaigkish etegkeatsui; Apajuik nigki nagkami ni aents wait anenjata tabaujiya nuna wait anentawai.

(Primera carta de San Pablo a los Corintios) 12:6

Apajuiya duke ashí wají aina nunak, ashí aentsun makí makichik niimtinun takamtikmaina duka.

(Primera carta de San Pablo a los Corintios) 15:10

Tujash Apajuí wait anenjujua dui, yamaik wi yaitja nunuwaitjai, ni wait anenjak jutijuauwa duka minaig wainkachui, nuadui wika Apajuí yaintsamtai ditá nagkaesau takasjai.

(Segunda carta de San Pablo a los Corintios) 3:5

Juka iina senchijinig imatika takainaji tumamaitsuji, jutii senchi takainag duka Apajuinumia minawai.

(Carta de San Pablo a los Efesios) 1:11

Ii jukitna duka Cristui ajutjamainaji, nunak yaunchuk Apajuí ni wajuk dutikatatus wakejukaya anentaimtujuita dutiksag dutikatnai.

(Carta de San Pablo a los Efesios) 1:5

wi ju aidaunak mina uchig emaktin atajai Jesucristo ditai mantamnamtai tusa yaunchuk emtika niina waketajin etegtamjauwai.

(Carta de San Pablo a los Efesios) 1:9

Duik nagkamas, ni wakegamujin dutikatjai tibau dekaachbau aajakua nuna dekamtijamauwai. Nunak ni wait anenkagtamujin Cristui pegkejan dutikatjai tiuwa nuna iwaintugmakui,

(Carta de San Pablo a los Efesios) 2:8

Wagki atumek dekaskeapi tabauwai wait anenjá uwemtikjamu ainagme; nunak atum pegkeg takasbauwai dutikachui, Apajuí nigki anenjauch uwemtanak amasajui,

(Segunda carta de San Pablo a los Tesalonicenses) 1:11

Nuadui atum pachisa tuke Apajuí aujuinaji, atumin untsugmakajua nunisjumek pujamunum yaimpaktinme tusa nuigtú nigki niina senchijinash amastí dekaskeapi tabauwai ashí pegkeg aidau takamaina nuishkam tusaja.

(Segunda carta de San Pablo a Timoteo) 1:9

ni uwemtijamag nuigtú mina aentsug pegkejam atinme tusa etegtamjauwa dui. Nunak ii pegkeg takasbaunmakesh dutijamachui, ayatak ni yaunchuk anentag dutikatnujin anentaimtusua nuna Cristo Jesusai sujamsauwai,

(Carta a los Hebreos) 13:21

nunin asa atumnash pegkeg etamtinme ashí ni wakega duke takasminjum. Nigki ashí jutiinash ni wakega duke takamain etamti, Jesucristo dutikamua dui. ¡Imá Jesucristua duka tuke ememattai atí! Aatus atí.

(Primera carta de San Pedro) 1:3

Emematiagmi Apajuí, nuigtú iina Apuji Jesucristo Apajiya nu, ni shiig senchi wait anenkagtau asa Jesucristo jakau nantakiuwa dui ataktú akiinau ainagme, pegkeg ajutjamtina nuna dakastinme tujamu asa,