(Carta de San Pablo a los Filipenses) 1:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Wi atumin ashí aneajim nunak Apajuí shiig dekagtawai, Cristo Jesús jikamsá anejattaijin suja nujai aneajim nunak.

(Carta de San Pablo a los Filipenses) 1:8 Iomraidhean Croise

(Isaías) 63:15

Israel aents aidau Apajuín aujainak: “Chah, Apajuíjuh, ame pujutaijum nayaim pegkegma nuwi pujusam antukta. Amek jikamsa anejatchau dekapeaji, tuja ame senchigtinaitam dusha iwainkagtatsme. ¿Amesh jutiish wajuk diijatme? Atsa amina wait anenkagtutaigmek ¿amuekaek?

(Jeremías) 31:20

Tujash Tuke Pujuu ditan chichajak: “Efraín aents aina duka mina uchig ainawai, nuadui wika dita aidaun ima senchi aneajai. Suwimka susanush pachitskek idaitsujai. ¡Ashí mina anentaigjai aneajai! ¡Ditanak shiig anentuinajai! Witjai Tuke Pujuunuk, nunak dekas tajai.

(Evangelio según San Lucas) 1:78

Iina Apajuijiya nu shiig senchi wait anenjamu asa, nayaimpinmaya etsa puwau jiinama nuniktinun awetugmae,

(Carta de San Pablo a los Romanos) 1:9

Apajuí wakejusa takaju asan, niina Uchijin pachisan yamajam chichaman etsegtag nunú dekagtawai, Apajuí aujkun idaitsuk tuke atumin adaisanké ajim nunak;

(Carta de San Pablo a los Romanos) 9:1

Cristun dekaskeapi tinu asan waitjutsuk dekas tajai, Wakaní Pegkeji mina anentaimtija dushakam dutiksag tujutu asamtai duka dekaskeapi tau asan,

(Segunda carta de San Pablo a los Corintios) 13:9

Jutiik kakaakchau ainakuish shiig aneenaji atumek senchi asagmin; nuniaku Apajuí aujtajime shiig imagnis pujustinme tusa.

(Segunda carta de San Pablo a los Corintios) 6:12

Jutiik makichkish atum uugkamuk atsugtamji, tujash atumek uuká anentaimjume.

(Segunda carta de San Pablo a los Corintios) 7:15

Nigka atumnak nuní senchi anempajume, ni atumin segapakuish betek umijujakbau asa, nuigtú puyatjusjum eme anentsá jukiuwaitjum nuna aneaku asa.

(Carta de San Pablo a los Gálatas) 1:20

Wi agatjim junak, Apajuí eemtinish dekaskea nuna tajai.

(Carta de San Pablo a los Gálatas) 3:26

Cristo Jesús dekaskeapi tabaunum ashí atumek Apajuí uchijí wajasuitjume,

(Carta de San Pablo a los Gálatas) 4:19

Mina uchig aidauh, wika nuwa uchin najaimak waitama imanikan ataktú atumiin waitiajai, atumesh Cristua imanuk atinme tabaunum.

(Carta de San Pablo a los Filipenses) 2:1

Cristo atumin tikich wakemitkatan senchijin amasua nujai nuigtú anentak atumiin ajutjamaina nujai tikich aidaush anentai ichichtugtajum, nuniakjum makichik Wakania duke ajutjamaina dui pempeentunisjumek wait anendaitajum;

(Carta de San Pablo a los Filipenses) 2:26

Nigka shiig senchi wakemayi atumin ashí waipakagtatus, nuniayatak shiig senchi waittsabi atum jaawai tabau antukchamkaijum nuna.

(Carta de San Pablo a los Filipenses) 4:1

Nuadui mina yatsug aneetaig aidauwah, wika atumnak senchi aneajime, wi atumiin shiig aneamu ajuta duka, wají shiig pegkejan jumainaitag imanai. Nunin asamtai, atum Apu Jesusai ebetmamjajum pujajum nunisjumek pujustajum.

(Carta de San Pablo a los Colosenses) 2:1

Wagki dekatajum tusan wakegajai shiig senchi atumiin takaag nunú, Laodiceanmaya aina nuish, nuigtú ashí tikich mina waitchau aina nuishkam;

(Carta de San Pablo a los Colosenses) 3:12

Nuadui Apajuí pegkejam atinme tusa anempas etegtamjau asamtai, shiig wait anenkagtin, pegkeg, ememachu, kakagchau, ebetmamjau atajum;

(Primera carta de San Pablo a los Tesalonicenses) 2:5

Jutii makichkish shiig anenjustinme tabaunum chichachuitag duka atumek dekagme, nuigtush kuichik jujuktasaikish chichachuitji. Junak Apajuishkam shiig dekawai.

(Primera carta de San Pablo a los Tesalonicenses) 2:8

Imatika aneedau asaja, ayatak yamajam chicham Apajuinua duke ujaktasaik wakegatsji, atumiin bakumatasaish wakegainaji wagki jutii aneetai wajasú asagmin.

(Segunda carta de San Pablo a Timoteo) 1:4

nuniakun ii kanaamunum ame buutú wajakbau aina nuna tuke aneaku asan, amina wainkan shiig aneastasan wakegajai,

(Carta de San Pablo a Filemón) 1:12

nuniku asamtai awagkin awetajame, mina utugtumainaitam dutiksag jukiti tusan,

(Carta de San Pablo a Filemón) 1:20

Aajan yatsujuh, iina Apuji nemagbaunum aminiyan pegkejan wainkatasan wakegajai, nuniakum mina anentaijuish ichichtugta Cristo nemaju asam.

(Primera carta de San Juan) 3:17

Makichik aents Apajuí nemajin ju nugkanmaya ashí wají aidau ajamaitak, yachi atsumaun wainiatak yayachush, ¿wajuk Apajuí anenkajish niina anentainish ajumainaita?