(Oseas) 2:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nuna nuniachkuig, jáanchjin awitkan nii yama akiinak wisu akiinauwa nunin awajsattajai. ¡Dutikan uwejush nugka buku takasa pujumainchau awajsattajai! Dutika ai kitakai jinattawai.

(Oseas) 2:3 Iomraidhean Croise

(Éxodo) 17:3

Tujash Israel aents aidauk senchi kitamaidau asag Moisésan kajejuk chichajuinak: “¿Wagka Egipto batsamsatnume tutsukesh jiijatjamiume? ¿Uchiji aidaujaí, tagkuji aidaujaí kitakai jinaati tusamek jiijatjamium?” wajaidau.

(Isaías) 33:9

Israel aents aidaun nugkega duka ajak aidau tsapaachu asamtai, wake besemag wajas awai. Líbano aidaush datsaamainak jajatuk jinawai; tuja nugka paka Sarón tutaya dushakam yaunchkek pegkeg ajak shiig tsapaya nunak yamai uwegshujai betek wajase. Tuja Basán nugka, muja Carmelo tutaya nujai nugka pegkeg numi dukentin ayau asa, pegkeg samekbau wajas ayá duka duke kakekamtai, wentsamtuk ijunui.

(Isaías) 64:10

Yaakat ame etegkamu aina duka itajak wajas bashiak ainawai. Jerusalégnak iina shiwaaji aidau tsaikam pegkegchau wajas awai.

(Jeremías) 14:3

Wiakuch aidauk dita inake aidaun yumi egaktajum tusa ishimainawai, tusa tima yumi aimtainum shiyakag egainawai, tujash yumik atsawai. Nunitai yumi shikitainak wainak takus yuja yujakua waketuinak, puyatkiag datsantin buuken dukumakag waketuinawai.

(Jeremías) 2:31

Tuja atum yamai uchi aidautigmeshkam Tuke Pujuu chichame antuktajum. Wika uwejush nimpain asamtai, waittayama dutikankesh waitkachuitjime, tuja waa suwenum pujusa waittayama dutikankesh waitkachuitjime. Dutika waitkashtayaitkugmesh ¿wagka iik agkan batsatji, nuniau asa ataktuk aminak emematchattagme tusagmesh tujutjume?

(Jeremías) 2:6

Nunidau asag, dita apachji aidau Egipto nugkanum batsatun jiija yajuakan, uwejush yumi atsau, muja yumpunjau aidau, ishamain aents aidaush pujumainchau, makichkish nagkaemamainchau ishamain wegajunum wi kuitamsan emauwaitag nunak aneetsuk pachitkachajui.

(Oseas) 13:15

Yaja aneasjum chijichi tsupigbau ataktu pegkejan tsapaama numamtuk wajakainjumtaih, nuniakjuminish dase uwegshunmaya dasentak entsa pukuni jiinun buku emama numamtuk wi ijinan emegkagtatjime. Dutika ai atumi shiwaajum aidau wajijum pegkeg akik aidaun yajutjamkagtinai.

(Oseas) 2:10

dutikakun niina pakiji aidau emtin wisu awikan inatsagtatjai. ¡Nuna dutikai niina ayamjumainuk makichkish atsuttawai!

(Apocalipsis) 17:16

Bestia diez kachují ajamu wainkaum aanú aidau akiká takataiya nuna kajegkagtinai, dutikawag yaaktan tsaikag ashí wají yajutuk wisú ukukiagtinai; nuna nejenak yuawagtinai dutikainak jiiyai apekagtinai;

(Jueces) 15:18

Tuja Sansón senchi kitaag Tuke Pujuun segaak: “¡Ame minak shiwag shiig kuashat aina nuna depetkati tusam yainkaume! Nuadui ¡yumi umumain atsutai juju aents amina umigtamchau batsata nuwi kitakai jakati, nunikmatai niina iyashin dushikjatnume tusamek idaitumaitsume!” tiuwai.