(Números) 6:24 - Awajún: Apajuí chichame pegkejam Porciones del Antiguo Testamento y el Nuevo Testamento

²⁴ “ ‘¡Atum aidautigminak Tuke Pujuu pegkegnum yumigtamsatnume, dutijamak nigki kuitamjamkatnume;

(Números) 6:24 Iomraidhean Croise

(Génesis) 28:15

Untsu wi amijaig pujajai. Nuniau asan tuwig wekaetam nuniakminish wi kuitamkattagme, dutikakun awagkin juju nugka juwi itattajame. ¡Makichkish wi amina anagkuajam nunak umitskek idaisashtatjai!” tiuwai.

(2 Samuel) 7:29

Nuadui segajame wait aneasam mina uchig wegantu aidau pegkegnum yumigtugkum, ajumaish tuke kuitamjutkatin ata. Amek Tuke Pujuu Apajuí asam dekaskenum chichauwaitme. Nuadui, ame yayamu asag ditak tikich aidaun nagkaesau agtinai. Nuninak amina umigtamkatin ainawai”, tiuwai David.

(Salmos) 91:11

Wagki Apajuí ángel aidaun ishiaktatui ame tuwi wekaetatme nuwi kuitamjamkatnun.

(Isaías) 42:6

“Witjai Tuke Pujuu Apajuínuk, tikichik atsawai, wi aminak mina takagtusti, nuniak uwemtikagtugti tusan etegkeawaitjame, wi aminak kuitamkatnaitjame, dutikakun achiaku atatjame, wagki wi chichaman ditajai umikuitag nuna umiakun, mina aentsug aidaun amasjai. Ame tsaaptin asam, aents aidau yajuakam minai ikaunmatnaitme.

(Daniel) 9:17

Iina Apajuíjiyah, wi amina inakmin segajam nunú wait aneasam antugtukta. Ame emematku ijuntai pegkegma nunú wajukaya awa nunú wait anenjata.

(Evangelio según San Juan) 17:11

Wika aminí midau asan juig pujushtatjai, tujash jujú aidauk nugká juwainawai. Apawa pegkegmah, amina senchigmin kuitamkata ame sujusbau aina duka, ii makichik duke anentaimkag nunisag ditashkam anentaimtinme.

(Primera carta de San Pablo a los Corintios) 14:16

Wagki ame wakanminig Apajuí see tutaish tikich ayatak antak eketa dusha, ame tame nuna dekachush ¿utusaya “aatus atí” tumainaita?

(Carta de San Pablo a los Efesios) 6:24

Apajuí wait anenkagtamujiya duka dekaskenum ashí iina Apuji Jesucristun aneena nui tuke atinai. Aatus atí.

(Carta de San Pablo a los Filipenses) 4:23

Iina Apuji Jesucristo wait anenkagtamujiya nu ashí atumi wakanminish ajutjamtinme. Aatus atí.

(Carta de San Pablo a los Filipenses) 4:7

Apajuí agkanji, ashí dekatan nagkaega nunú, atumi anentaimnak nuigtú anentaimtagminash Cristo Jesusai kuitamjutpaktatjume.

(Primera carta de San Pablo a los Tesalonicenses) 5:23

Apajuiya duke, shiig agkan pujutan sukagtina nu atumnash pegkeemtijamiagti, ashí atumi wakanmin, anentaibaugmin nuigtú iyashminashkam, Apu Jesucristo taatta duish bakumamainchau atinme tusa.

(Primera carta de San Pedro) 1:5

Atum Apajuiyai dekaskeapi tabau ajutjamaina dui niina senchijin kuitamjamui, uwemat umikbau awa nuna jukitnume tujamu asa, nunak tsawan nagkanbau atina dui iwainaktinai.

(Carta de San Judas) 1:24

Apajuí senchigtina nuuwai atumnak pegkegchau takasainum tusa kuitamjamainuk. Niina emtin dekas imana nui ijupagtina nunú tsawantinig, atumek shiig aneastinaitjume, atumin bakugmamainuk makichkish atsutin asamtai.

(Rut) 2:4

Nunik juwaak wekagai Booz Belén pujau niina ajajin weuwai. Nunik jeganta ajaka juu aidaun kumpamak aatus tiuwai: “¡Tuke Pujuu atumnash kuitamjamkatnume!” tiuwai. Tusa tama dita ainak: “¡Tuke Pujuu aminashkam pegkegnum yumigtamsati!” tiajui.

(1 Samuel) 2:9

Tuke Pujuuk ya niina shiig umijua nuna kuitamui. Untsu aents pegkegchau aidauk jinuinawai, nunikag suwimkanum shimuinawai. Wagki makichik aentsuk niina senchijinigkik ayamjumamaitsui.