(Números) 24:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Israel aents aidau ayamak tepakug, león tepegama nujai betek tepenawai. Iman asamtai, jegaantag ishintaumainchau dekapenawai. ¡Amina pegkegchaunum yumigtamaidauk, ditashkam dutiksaik pegkegchaunum yumigkiam agtinai, untsu amina pegkegnum yumigtamaidauk, ditashkam dutiksaik pegkegnum yumigkiam agtinai!” tiuwai.

(Números) 24:9 Iomraidhean Croise

(Génesis) 12:3

¡Amina pegkegnum yumigtamaidaunak wishakam dutiksanuk pegkegnum yumigsagtinaitjai! ¡Untsu amina pegkegchaunum yumigtamunak wishakam dutiksanuk pegkegchaunum yumigjatnaitjai! Nuadui ashí nugka muunnumia aidaunash amina daagmin pegkegnum yumigsagtinaitjai”, tiuwai.

(Génesis) 27:29

¡Kuashat aents aidau aminak takagtamiagtinai, nuigtushkam nugka muunnumia aidaush ima aminak antugtamainak umigtamiagtinai! ¡Ame apu wajasamin, yatsumshakam amina umigtamtinai! ¡Amina pegkegchaunum yumigtamaidauk, ditashkam dutiksaik pegkegchaunum yumigkiam agtinai! ¡Untsu amina pegkegnum yumigtamaidauk, ditashkam dutiksaik pegkegnum yumigkiam agtinai!” tuu yumigjauwai.

(Génesis) 49:9

¡Judá, mina uchijuh! Amek leónka uchijijai betekaitme. León nejen yuwa ejemag wajas tsuntsuma ayamak múuntsukaitai tumain nugka tepegama numamtuk atinaitme. ¿Yaki aminash imanminash waitkagmasti?

(1 Reyes) 10:20

Tuja seisa imania ekenjamu aajakua nuwishkam maki makichik ekenjamua nuna yantamen león dakumjamu aajakui. ¡Nunak tikich apu aajaku aina dukesh numamtin najanamukesh wainkashbaun nii imatika najanauwai!

(Job) 41:10

Makichik aentskesh umuchiamak kajeak ishamain wajawai, tuja niijai maanimainuk makichkish atsawai.

(Salmos) 122:6

Nuadui: “Jerusalégkah, aminak utugchatak atsugtamti; tuja amina anempaina dushakam agkan pujustinme.

(Salmos) 2:12

Apajuí eme anentsajum ememattajum kajegtamkainum, nii kajegtamkamtaig jinumain ainagme, wagki nii kajeamujig makichkish imijtumaitsui. Aents Apajuíyai kajinas anentaimaidauk nii kuitamsam pujuidau asag, shiig aneas pujusagtinai.

(Isaías) 31:4

Tuja Tuke Pujuu chichagtak tujutmae: “León uwijan maamtai, uwijan kuitamin aidau tuwakag, senchi untsumkag leónkan uwakatajtakush uwakmainchau ainawai. Numamtuk Tuke Pujuu ashí senchigtina nunú taattawai muja Siógnum niina aentsji aidaun ayamjuktatus.

(Números) 22:12

Tusa tutai Apajuí Balaaman chichajak: “Anú aents aina nujaig wepa, tuja nunú aents aina dushakam pegkegchaunmak yumigjaipa, wagki ditak wi pegkegnum yumigjamu ainawai”, tiuwai.

(Números) 22:6

wamak taata, nunikam juju aents aidau pegkegchaunum yumigjata, wagki ditak iina nagkaetamsau kuashat, senchigtin ainawai. Ame pegkegchaunum yumigjamin, wi depetkan juju nugka juwi batsata nuna jiijan ishiakchainjash, wagki ame pegkegnum yumigkiamuk tuja pegkegchaunum yumigkiamushkam betek uminna nuna wika dekau asan tajai, tujamui titajum”, tiuwai.

(Números) 23:24

Juju aents aina duka, Leónjai betek nantaki niina shiwaaji aidaun jeteakug, ayamtsuk ashí amuka, nuna numpen uwag duwi shiig ayamak tepena iman ainawai”, tiuwai.

(Números) 24:10

Nuna antuk Balac Balaaman senchi kajegkauwai. Nunik uwejen awati chichaak: “Wika aminak mina shiwag aina nunú pegkegchaunum yumigjata tusa untsukmagme, dutikamaitkum amek au aents aina nunú kampatuma imania pegkegnum yumigkiame.

(Evangelio según San Mateo) 25:40

Tiagtai Rey ayaak: ‘Dekas tajime, ju mina yatsug aina juiya wait anenjauwaitjum duka, mina dutijuau ainagme’.

(Evangelio según San Mateo) 25:45

Tiagtai Apu ayaak: ‘Dekas tajime, atum ju aents imanchauch aina jujú yaigchauwaitjum duka, mina dutijuau ainagme’, titinai.

(Los Hechos de los Apóstoles) 9:5

Tama Saulo iniak: “¿Apuh, amesh yaitpa?” tau. Tutai ni ayaak: “Wika Jesusaitjai, ame ya ainkum waitkame nuuwaitjai,

(Deuteronomio) 30:7

“Tuja atumi shiwaajum aidau kajegtamainak, aintamiagtina nunú waittsatnume tusa Tuke Pujuu atumi Apajuíjum ditan pegkegchaunum yumigjatnai.