(Números) 24:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Apajuí Israel aents aidau Egipto nugkanum batsatun jiijua nunuwai búfalo ayamjumatai kachujiya numamtin. Nuadui Israel aents aidauk ditá shiwaaji aidaunash amuktinai. Dutikak nagkí iju mainak, ukunchin kupijagtinai.

(Números) 24:8 Iomraidhean Croise

(Salmos) 2:9

Ichinak najanamu shigki basegbauwai awati tsaimaina numamtuk, apu pegkegchau aina duka ame tsaika utsagtatme”, tujutmae.

(Daniel) 6:24

Daniel jiinkimtai ajuma duwi, aents Danielan tsanumjuju aidau ikaunmatajum tusa apu timatai ikaunmawajui. Dutikawagmatai ashí nuwejai, uchiji aidaujai yajuakag león batsatbaunum ashí chimpiawajui, dutikam eke nugka iyachunak yakig león aidau tsekentiag ichiajajui.

(Números) 14:9

Nuadui Tuke Pujuujaig dekas shiwagmagawaigpa, nuwiya aents aina dusha ishamkaigpajum, wagki ditak jutijaig shiig wainkaush ainawai. Dita yaimainuk shiig atsawai, untsu iinak Tuke Pujuu yaimpawai. ¡Nuniau asamtai ishamkaigpajum!” tiuwai.

(Números) 21:5

Nuadui Apajuín Moisésjai chichaman patatuinak: “¿Wajukatnume tusagmea Egipto nugkanum batsatjinish jiijatkimiugme? ¿Imajui uwegshunum jinaati tusagmek jiijatkimiujum? Yumi umumainush atsawai, tuja yumainush shiig atsugtamji. ¡Tuja nuigtush yutai junin yuwi yuwinakua yawetkaji!” tuidau.

(Números) 23:22

Nuadui búfalo niina kachujin ayamjumama numamtuk Israel aents aidau ayamjumataijig Apajuí dita Egipto nugkanum batsatun jiijua nunuwai.

(Números) 23:24

Juju aents aina duka, Leónjai betek nantaki niina shiwaaji aidaun jeteakug, ayamtsuk ashí amuka, nuna numpen uwag duwi shiig ayamak tepena iman ainawai”, tiuwai.

(Evangelio según San Mateo) 2:15

Nunik nui pujai Herodes jakauwai. Nunú nunikua duka Apu Apajuí tibaun profeta: “Mina uchig Egipto pujaun untsukjai”, tibauwa nu imanisag uminkauwai.

(Deuteronomio) 32:23

Wi atum aidautigminak ashí pegkegchau aina nuna ishitkattajime waittsatnume tusan.

(Deuteronomio) 32:42

Dutikan kuashat aentsun ijinkun mina puyagjunak numpeagtatjai. ¡Makichkish uwemjachagtatui! ¡Shiwag ijinku nuna apuji aidau achija yajuakbau aina nunashkam ashí ijinattajai!

(Deuteronomio) 7:1

“Tuke Pujuu atumi Apajuíjum, atum batsamsatnun nugka amastata nuwi ejetamawagtatui. Dutijama nuwiya aents aidau siete nugka múun aidaunmaya maki makichik chichamtin, atumi nagkaetamsau senchigtin, shiig kuashat batsamin: hitita aents aidau, gergeseo aents aidau, amorreo aents aidau, cananeo aents aidau, ferezeo aents aidau, heveo aents aidau, Jebús aents aidau batsata nunak atumesh wainjumin Tuke Pujuu jiija utsagtatui.

(Josué) 2:10

Atum Egipto nugkanum batsatutijum jiinjagmin nayantsa amain katiagtinme tusa Tuke Pujuu nayants kapantun ukuyuauwa nunú iik dekaji. Tuja nuigtushkam atum aidautijum amorreo nugkanmayaapu aidau Sijón, Og aatus Jordágka amain batsatu ashí ijinawaitjum dushakam shiig dekaji.